नाडा अटो शोमा सेरेसको थ्री एक्स अफर, ६ लाख सम्म छुट र अन्य सुबिधा पनि

काठमाडौं– नाडा अटो शो २०२५ लाई अझ विशेष बनाउन सेरेसले मेला अवधिभर लागू हुनेगरी आफ्नो विशेष थ्री एक्स अफर ल्याएको छ । थ्रि एक्स अफरमा तीन प्रमुख फाइदाहरू समेटिएको कम्पनीले जनाएको छ ।

अफर अन्तर्गत ३ वर्षको सम्पूर्ण बीमा कभरेज, ३ गुणासम्मको नगद छुट र बुकिङ रकमलाई ३ गुणा बराबरको फाइदा पुग्ने सुबिधा दिइएको छ । ग्राहकले यस अफरमार्फत अधिकतम ६ लाख रुपैयाँसम्मको लाभ लिन सक्नेछन् ।

सेरेसको नेपालका लागि आधिकारिक वितकर एमएडब्लु बृद्धि मोटर्सका अनुसार, यो अफर केवल नाडा अटो शोका लागि मात्र मान्य हुने भएकाले सेरेस ब्राण्डका आकर्षक गाडीहरू नजिकैबाट अवलोकन गर्ने अवसर रहेको छ । सेरेस स्टलमा अवलोकनकर्ताले सेरेस एसयुभी हेर्न पाउनेछन् ।

आधुनिक डिजाइन, अत्याधुनिक प्रविधि र वातावरणमैत्री प्रदर्शनसहितको सेरेस३ एक आधुनिक र सुबिधासम्पन्न एसयूभी हो । भविष्यको मोबिलिटीलाई आधार मानेर विकास गरिएको सेरेसले कोरालापास हुँदै ४,६६० मिटर उँचाइमा अवस्थित लोमान्थाङ पुगेर पहिले नै इतिहास रचेको छ ।

यो कठिन यात्रालाई सफलतापूर्वक सम्पन्न गर्ने सेरेस नेपालको पहिलो ईभी हो । यस उपलब्धिले सेरेस वास्तवमै नेपालकै लागि बनेको हो भन्ने कुरालाई पुष्टि गर्नुका साथै यो कठोर भौगोलिक परिस्थितिहरू सहजै सामना गर्न सक्षम छ भन्ने पनि प्रमाणित गरेको कम्पनीको भनाई छ ।