फिलिपिन्स पुग्यो सेरेस ईभी

फिलिपिन्समा इलेक्ट्रिक भेइकलको नयाँ ब्रान्ड सेरेस पहिलो पटक प्रवेश गरेको छ । चाइनिज ब्रान्ड सेरेसको आधिकारिक वितरकको रुपमा क्युएसजे मोटर्सले सहकार्य प्रारम्भ गरेको हो ।

फिलिपिन्समा सेरेस ५ ईभी, सेरेस ५ एसएफ र सेरेस ७ गरी तीन मोडल उपलब्ध हुनेछन् । इनोभेसन, सस्टेनेबिलिटी र अनप्यारालल्ड ड्राइभिङ एक्सपेरियन्स प्रदान गर्ने कार्यमा सेरेसले महत्वपूर्ण भूमिका खेल्ने बताइएको छ ।

सन् १९८६ मा स्थापना भएको सेरेस अटो विशेष गरी न्यु इनर्जी भेइकल निर्माणका लागि प्रसिद्ध छ, जसमा २० हजार भन्दा बढी कामदार कार्यरत छन् र यो चीनको टप ५०० इन्टरप्राइजेजमा पर्छ ।

इलेक्ट्रिक ड्राइभ, इलेक्ट्रिक कन्ट्रोल र ब्याट्री सिस्टम जस्ता एड्भान्स्ड ई–पावरट्रेन टेक्नोलोजीको क्षेत्रमा यो लोकप्रिय मानिन्छ ।

दिगो यातायात सेवा प्रदान गर्दै फिलिपिन्स सरकारको नीतिमा समेत सहयोग पुग्ने कार्यमा सेरेस र क्युएसजे मोटर्सको सहकार्यले फाइदा पुग्ने दुवैको भनाइ छ ।

नेपाली बजारमा पनि सेरेस ब्रान्ड उपलब्ध छ । आधिकारिक वितरकको रुपमा एमएडब्लु वृद्धिले बिक्री गरिरहेको सेरेस ब्रान्ड अन्तर्गत सेरेस ३ र मिनी ईभी उपलब्ध छन् ।