कियाले डिसेम्बर १६ मा गर्दैछ सेल्टोसमा आधारित किया केवाईको ग्लोबल प्रिमियर

कियाले अब बजारमा ल्याउने तयारी गरेको थ्री रो भेइकलको इन्टरनल कोडनेम ‘केवाई’ राखेको छ । कम्पनीले यसको प्रोडक्सन भर्सनलाई आगामी डिसेम्बर १६ मा सार्वजनिक गर्ने खुलासा गरेको छ ।

भारतका विभिन्न स्थान तथा दक्षिण कोरियामा अवस्थित कम्पनीको फ्यासिलिटीमा समेत धेरै पटक यो एसयूभी परीक्षण गरिरहेको देखिइसकेको छ । कियाले हाल नेपाली बजारमा समेत उपलब्ध गराइरहेको सेल्टोस, सोनेट र कार्निभल पश्चात केवाईले अर्को धमाका गर्ने विश्वास गरिएको छ ।

कियाले आधिकारिक रुपमा यो एसयूभीको वारेमा जानकारी प्रदान गरेको छैन । यद्यपि केही तथ्यहरु मिडियाले सार्वजनिक गरेका छन् ।

क्रसओभर जस्तै स्टाइल
प्रोडक्सन स्पेक किया केवाईले बोल्ड सुट फलो गर्नेछ । परीक्षण गरिएको गाडी हेर्दा यसको डिजाइन सेल्टोस जस्तो र आउटलाइन २०२२ कार्निभल जस्तो देखिन्छ । यसमा थप सुविधाको रुपमा अपराइट बोनट हुने आशा गरिएको छ । ड्यासबोर्ड पनि आधुनिक हुनेछ । त्यसैरी थ्र्री रो सिटिङ हुनेछ र ६ वा ७ जना बस्न सकिने छ ।

क्यारेन नाम हुने सम्भावना
कियाले यो भन्दा पहिले क्यारेन नाम गरेको ट्रेडमार्क दर्ता गरेको छ । यसका आधारमा केवाई कोडनेमलाई आगामी दिनमा क्यारेन नाम दिइने सम्भावना देखिन्छ ।

टाइमलाइन
डिसेम्बर १६ मा लन्च भए पश्चात २०२२ को पहिलो त्रैमासमा यो बजारमा बिक्रीका लागि उपलब्ध हुन सक्छ । नेपाली बजारमा पनि त्यसको केही समयमै उपलब्ध हुने सम्भावना रहन्छ ।

सम्भावित मूल्य
किया सेल्टोसकै पावरट्रेन यसमा प्रयोग हुने अनुमान गरिएको छ । यसका आधारमा यसको मूल्य पनि सेल्टोसकै हाराहारी पर्ने अनुमान गर्न सकिन्छ ।

प्रतिस्पर्धा
मारुती सुजुकी अर्टिगा, महिन्द्रा मराजो, सुजुकी एक्सएल६ र हुन्डाई अल्काजार आदिसँग यसको प्रतिस्पर्धा हुनेछ । यो क्लासमा किया केवाई सबैभन्दा उपयोगी थर्ड–रो भेइकल हुने धेरैले रिपोर्ट गरेका छन् ।

उनले यो कारलाई ठूला पारिवारिक कारका हिसाबले डिजाइन गरिएको बताउनुभयो । सो कार ६–७ सिटर मात्रै नभएको नयाँ सेग्मेन्ट बनाउने कम्पनीले जानकारी दिइएको छ ।

किया इन्डिया तीव्र गतिमा बढिरहेको कार उत्पादक मध्ये एक हो । भारतीय बजारमा प्रवेश गरेको दुई वर्षभन्दा कम अवधिमा कम्पनीले ३ लाख बिक्रीको अंक पार गरेको छ । कम्पनीले यही वर्षको जुलाईमा यो सफलता हासिल गरेको हो ।