चितवन र बुटवलमा सेगवेको नयाँ शोरुम विस्तार

काठमाडौं– सेगवे नाइनबोटको नेपालका लागि आधिकारिक वितरक आई हब प्रालिले चितवन र बुटवलमा नयाँ शोरुम विस्तार गरेको छ । यी शोरुमहरू लोक सुशीला मोटर प्रालि र युनाइटेड अटो कन्सर्न संगको सहकार्यमा संचालनमा ल्याएको हो ।

नयाँ शोरुममा सेगवेको लोकप्रिय एन–१००, ई–१००, ई–११० एल र ई–१२५ मोडलहरु उपलब्ध हुने कम्पनीले जनाएको छ ।

शोरुम संचालनमा आएको अवसर पारेर कम्पनीले विशेष मूल्यमा स्कुटर बिक्री गर्ने अफर ल्याएको छ । यी शोरुमबाट ग्राहकहरूले सेगवेका नवीन उत्पादनहरूको खरिदमात्र नभएर यसको ब्याट्री रेन्टल, ब्याट्री स्वाप, र तीव्र चार्जिङ सपोर्ट लगायत सेवाहरूको विस्तृत रुपमा फाइदा लिन सक्नेछन् ।

शोरुममा यी सेवाहरू उपलब्ध गर्नुको मुख्य कारण सेगवेका ग्राहकहरुले कुनै अवरोध बिना झन्झटरहित यात्रा गर्न सकुन भन्ने रहेको कम्पनीको भनाई छ ।