अष्ट्रेलियन एनक्यापमा महिन्द्रा स्कर्पियो एनलाई जिरो स्टार रेटिङ, यस्तो छ कारण

काठमाडौं– महिन्द्राको लोकप्रिय एसयूभी स्कर्पियो एनले अष्ट्रेलियन एनक्यापद्धारा गरिएको सेफ्टि टेष्टमा जिरो स्टार रेटिङ पाएको छ । ‘सेफर कार फर इण्डिया’क्याम्पेन अन्तर्गत ग्लोबल एनक्यापले गरेको टेष्टमा ५ स्टार रेटिङ हात पारेको सो एसयूभीले अष्ट्रेलियन एनक्यापमा भने जिरो स्टार रेटिङ पाएको हो ।

ग्लोबल एनक्यापले भारतमा गर्ने परिक्षणको तुलनामा निकै फरक र कठिन प्रोटोकल भएका कारण अष्ट्रेलियन एनक्यापमा स्कर्पियो एनले कमजोर रेटिङ पाएको कम्पनीले जनाएको छ ।

अष्ट्रेलियन एनक्यापमा राम्रो रेटिङ पाउन गाडीमा एड्भान्स ड्राइभिङ असिस्टेन्स सिस्टम ले निकै महत्वपूर्ण भुमिका खेल्दछ र यस्तो फिचर हुनुलाई अनिबार्य जस्तै मानिन्छ । तर सो फिचर सामेल नभएको स्कर्पियो एनलाई टेष्ट गर्दा यस्तो परिणाम भोग्नु परेको हो ।

परिक्षणमा महिन्द्राको सो एसयूभीले एडल्ट सेफ्टिमा ४४ प्रतिशत, चाइल्डमा ८० प्रतिशत, सडक यात्रीको सुरक्षामा २३ र सेफ्टि एसिस्टमा शून्य प्रतिशत नतिजा हात पारेको थियो ।