सेल्स हेड आचार्य भन्छन् : युरोपियन युनियनले प्रमाणित गरेको पहिलो इलेक्ट्रिक भ्यान ल्याएका छौ

यसअघि प्यासेन्जर कार र टु ह्विलरमा मात्र केन्द्रित नेपालको ईभी बजार अहिले कमर्सियल भेइकलमा समेत विस्तार भइसकेको छ । कमर्सियल सेग्मेन्टमा अहिले इलेक्ट्रिक कार्गो र भ्यानको माग वढ्न थालेको फोटोन गाडीको नेपालका लागि आधिकारिक विक्रेता एमएडव्ल्यु वृद्धि कमर्सियल भेइकलका सेल्स हेड नविन आचार्य वताउँछन् ।

उनका अनुसार पेट्रोलियम पदार्थको मूल्य आकाशिएसँगै व्यवसायीको जोड इलेक्ट्रिक गाडीमा पर्न थालेको हो । एमएडव्ल्युले हालै फोटोन ब्रान्डको इलेक्ट्रिक कार्गो र प्यासेन्जर भ्यान ल्याएर बिक्री थालिसकेको छ । यसै सन्दर्भमा नेपाल अटोले आचार्यसँग इलेक्ट्रिक भ्यानका विविध विषयमा केन्द्रित रहेर कुराकानी गरेको छ ।

फोटोन ब्रान्डको इलेक्ट्रिक भ्यानका खास विशेषता के हुन् ?
फोटोन नेपाली बजारमा परिचित ब्रान्ड हो । हामीले यसअघि यसको पिकअप, माइक्रोबस र मिनी ट्रक आयात गरी कारोबार गर्दै आइरहेका थियौ भने हाल इलेक्ट्रिक भ्यान र कार्गोको समेत बिक्री शुरु गरेका छौ । इलेक्ट्रिक भ्यान र कार्गोलाई हामीले नेपाली सडकमा परीक्षण गरेर सफल भएपछि मात्र बिक्री शुरु गरेका हौं । जसमध्ये भ्यानमा हामीसँग १४ र १६ सिटको विकल्प रहेको छ । सिट क्षमता वढी भएका कारण व्यवसायीले अतिरिक्त लाभ उठाउन सक्नुहुनेछ ।

हामीले ल्याएको इलेक्ट्रिक भ्यानले युरोपको प्रतिष्ठत सर्टिफिकेट ‘होल भेइकल टाइप एप्रुभल’ पाएको छ । नेपाली बजारमा उपलब्ध इलेक्ट्रिक भ्यानमध्ये यस्तो सर्टिफिकेट फोटोनले मात्र पाएको हो । युरोपियन युनियनले परीक्षण गरेर सर्टिफाइडसमेत गरेका कारण यसको गुणस्तरमा शंका गरिरहनु परेन । यो भ्यानमा विश्वकै अग्रणी ब्याट्री निर्माता सीएटीएलको ५०.२३ किलोवाट आवर क्षमताको लिथियम आइरन फस्फेट ब्याट्री जडान गरिएको छ । जसको पावर ८५ किलोवाट र टर्क २९० एनएम रहेको छ । यसलाई डिसी फास्ट र एसी दुवै चार्जरले चार्ज गर्न सकिन्छ ।

तपाईको विचारमा यो भ्यानको लक्षित ग्राहक को–को हुन सक्छन् ?
व्यावसायिक प्रयोजनमा प्रयोग हुने कारण यसको लक्षित ग्राहक विभिन्न क्षेत्रमा संलग्न व्यवसायी नै हुन् । नेपालमा हामीले यो भ्यानको संभावित ग्राहकका रुपमा स्कुल/कलेज, होटल, टुर एन्ड ट्राभल, यातायातका साथै विभिन्न क्षेत्रमा संलग्न व्यवासयीलाई लिएका छौ । अहिले पेट्रोल र डिजेलको मूल्य आकाशिएको कारण यस्ता व्यवसायीले हाम्रो इलेक्ट्रिक भ्यानलाई प्रयोगमा ल्याउँदा धेरै लाभ उठाउन सक्नेछन् ।

देशका विभिन्न रुटमा डिजेल गाडी चलाउँदै आएका व्यवसायीले इन्धनका लागि ५ हजार रुपैयाँ खर्च गर्दै आउनुभएको छ भने हाम्रो यो इलेक्ट्रिक भ्यानलाई प्रयोग गर्दा जम्मा ५ सय रुपैयाँ मात्र खर्च हुन्छ । इन्धनमा खर्च हुने रकमलाई वचत गरेर उहाँहरुले ठूलो लाभ उठाउन सक्नुहुनेछ । यसैगरी स्कुल÷कलेज र अन्य क्षेत्रले पनि ठूलो रकम वचत गर्न सक्नेछन् ।

नेपाली सडकमा यस्ता गाडीको पर्फमेन्स कत्तिको उपयोगी हुने देख्नुहुन्छ ?
नेपालमा हामीले नै पहिलोपटक यसप्रकारको गाडी बिक्री शुरु गरेका होइनौ । यसअघि केही कम्पनीले इलेक्ट्रिक भ्यान ल्याएर सफल रुपमा बिक्री गरिसकेका छन् । ती गाडीको पर्फमेन्समा कुनै गुनासो सुन्नुपरेको छैन । यस हिसावले भन्नुपर्दा हामीले ल्याएको फोटोन इलेक्ट्रिक भ्यान नेपाली सडकका लागि उपयुक्त नहुने भन्ने कुरै हुँदैन । त्यसमाथि हाम्रो भ्यान युरोपियन युनियनबाट समेत सर्टिफाइड भएका कारण झनै उपयोगी हुने देख्छु ।

बिक्री शुरु गर्ने प्रारम्भिक चरणमै हामीले भोलिका दिनमा आउनसक्ने गुनासाहरुलाई उचित समाधान दिनेगरी तयारी समेत थालिसकेका छौ । जसका लागि चीनबाटै फोटोन मोटरका प्रतिनिधिले समेत काम गरिरहनु भएको छ । ग्राहकको प्रतिक्रियालाई आत्मसात गर्दै भोलिका दिनमा यसलाई अझै अपग्रेड गरेर लैजान हामी प्रतिबद्ध छौ ।

बिक्री पछिको सेवा र चार्जिङ पूर्वाधारको व्यवस्था कसरी मिलाउनु भएको छ ?
एमएडव्ल्यु ग्रुपले विगतदेखि नै आफ्टर सेल्स सर्भिसमा सवैभन्दा वढी जोड दिँदै आएको छ । जसका कारण यो ग्रुपमा आवद्ध एक दर्जन बढी ब्रान्डका सवारीसाधनमा अहिलेसम्म ग्राहकले बिक्री पछिको सेवा नपाएको गुनासो गर्नुपरेको छैन । जुन कुरा फोटोनको इलेक्ट्रिक भ्यानमा समेत लागू हुनेछ ।

चार्जिङ पूर्वाधारको कुरा गर्नुपर्दा हामी अहिले यसको शुरुवाती चरणमै रहेका कारण यस्ता पूर्वाधारलाई विस्तार गर्ने विषयमा योजनाहरु बनाइरहेका छौ । नेपाल सरकार मातहतका निकायले देशका विभिन्न स्थानहरुमा चार्जिङ पूर्वाधार निर्माण गरिरहेका कारण भोलिका दिनमा इलेक्ट्रिक गाडीलाई चार्ज गर्न अझै सहज हुने देखिन्छ । यस्ता गाडीलाई घरमै उपलब्ध सामान्य प्लगबाट पनि सजिलै चार्ज गर्न सकिन्छ ।

सम्बन्धित समाचारहरू

नेपालमा लन्च भयो अर्को दमदार ईभी बीवाईडी सिल, तीन भेरिएन्टमा उपलब्ध

नेपालमा लन्च भयो अर्को दमदार ईभी बीवाईडी सिल, तीन भेरिएन्टमा उपलब्ध

काठमाडौं – बीवाईडीको नेपालका लागि आधिकारिक वितरक साइमेक्स इंकले नेपाली...

इन्धनबाट चल्ने गाडीलाई विद्युतीयमा रुपान्तरण गर्ने प्रविधिलाई सरकारले सहुलियत दिने

इन्धनबाट चल्ने गाडीलाई विद्युतीयमा रुपान्तरण गर्ने प्रविधिलाई सरकारले सहुलियत दिने

सरकारले इन्धनबाट चल्ने गाडीलाई विद्युतीयमा रुपान्तण गर्ने प्रविधिलाई...

सोलार प्यानल जडित इलेक्ट्रिक एसयूभी लन्च हुने, वार्षिक २४१४ किमी रेन्ज दिने

सोलार प्यानल जडित इलेक्ट्रिक एसयूभी लन्च हुने, वार्षिक २४१४ किमी रेन्ज दिने

अमेरिकी कम्पनी फिस्करले आफ्नो स्पेशल एडिशन ओशियन इलेक्ट्रिक एसयूभी...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...