आज एक दिनका लागि साझा यातायातको निःशुल्क बस

काठमाडौं – ललितपुरको बुङ्गमतीमा आयोजना हुने बुङ्गमती महोत्सवको अवसरमा साझा यातायातले निःशुल्क बस सेवा सञ्चालन गर्ने भएको छ।

बुङ्गमतीमा आज शनिबार बुङ्गमती महोत्सव आयोजना हुँदैछ । सो अवसरमा ललितपुरको जावलाखेलदेखि बुङ्गमतीसम्म एक दिनका लािग निःशुल्क बस सेवा प्रदान गर्न लागिएको साझा यातायातले जनाएको छ।

यसका लागि साझा यातायातले ललितपुर महानगरपालिकासँग सहकार्य गरेको छ।

यात्रा सम्पदा र इकोज इन द भ्यालीले बुंग महोत्सव अर्थात बुङ्गमती महोत्सव आयोजना हुँदै छ। शनिबार बिहान ९ देखि साँझ ७ बजेसम्म सञ्चालन हुने महोत्सवमा परम्परागत बाजा, सांगीतिक धुन, नृत्यसँगै नेवारी खाना, काष्ठकला, हस्तकला र परम्परागत शीप प्रदर्शन गरिने आयोजकको भनाइ छ ।