साझाले ४० विद्युतीय बस किन्ने, अन्तर्राष्ट्रिय बोलपत्र आह्वान

काठमाडौं – साझा यातायातले ४० वटा विद्युतीय बस किन्ने भएको छ । यसका लागि साझाले अन्तर्राष्ट्रिय बोलपत्र आह्वान गरेको छ। कम्पनीले काठमाडौं उपत्यकामा चल्ने गरी पहिलो चरणमा ४० विद्युतीय बस किन्न लागेको साझा यातायातका कार्यवाहक प्रमुख कार्यकारी अधिकृत महेन्द्रराज पाण्डेयले जानकारी दिएका छन् । साझाले प्रकाशित गरेको सूचनाअनुसार बस खरिदमा सहभागी हुन चाहने कम्पनीले न्यूनतम धरौटी रकम २ करोड १० लाख रुपैयाँ राख्नुपर्नेछ। इच्छुक कम्पनीहरुले साझा यातायातको कार्यालयमा २० हजार रुपैयाँ फिर्ता नपाउने गरी बुझाउनुपर्नेछ। आगामी वैशाख २६ गतेसम्म इच्छुक कम्पनीले बस खरिदको प्रस्ताव हाल्न पाउनेछन्।