साझा यातायातले अपडेट सहित ल्यायो साझा प्लस एप, बसको रुट र अन्य विवरण हेर्न सकिने

काठमाडौं – साझा यातायातले अपडेट सहितको नयाँ एप ‘साझा प्लस’ ल्याएको छ । उक्त एप डाउनलोड गरेर यात्रुहरुले विभिन्न जानकारी लिन सक्ने छन् ।

साझा प्लसको प्रयोग गरी साझा यातायातका विभिन्न रुटमा भएका बसहरुको वारेमा जानकारी लिन सकिने छ । त्यसैगरी ती बसहरु ट्रयाक गर्न, नजिकको स्टप पत्ता लगाउन र उक्त स्टप सम्म बस आइपुग्ने अनुमानित समय समेत थाहा पाउन सकिने छ ।

हाल उक्त एप बिटा भर्सनमा रहेको र सेवाग्राहीको सल्लाह, सुझावको आधारमा आगामी दिनमा यसलाई थप परिमार्जन गरिने समेत साझा यातायातले जानकारी दिएको छ ।

यो लिंकमार्फत साझा प्लस डाउनलोड गर्न सकिन्छ ।