बुधबार नेपालमा सार्वजनिक हुने भयो रोयल इन्फिल्ड मेटियर ३५०, कति पर्ला मूल्य ?

काठमाडौं – रोयल इन्फिल्डको बहुप्रतीक्षित मोटरसाइकल मेटियर ३५० आगामी बुधबार अर्थात साउन १३ गते नेपालमा सार्वजनिक गरिने भएको छ । नेपालका लागि रोयल इन्फिल्डको आधिकारिक वितरक एमभी दुगड ग्रुप अन्तर्गतको विवेक अटोमोबाइल्सले एक कार्यक्रमका बीच सो मोटरसाइकल सार्वजनिक गरिने बताएको छ । हालको अवस्थामा यो मोटरसाइकल सोसल मिडियाको माध्यमबाट भर्चुअल लन्च गरिने छ ।

इन्डियन मोटरसाइकल अफ द इयर २०२१ अवार्ड प्राप्त गर्न सफल रोयल इन्फिल्ड मेटियर नेपाली बजारमा पहिले देखि नै चासोपूर्वक प्रतीक्षा गरिएको मोटरसाइकल हो । यो मोटरसाइकल तीन विभिन्न भेरिएन्ट फायरबल, स्टेलर र सुपरनोभामा उपलब्ध हुनेछ । त्यसैगरी ७ वटै कलर अप्सनमा नेपाली बजारमा समेत उपलब्ध हुनेछ ।

नेपाली बजारमा यो मोटरसाइकलको मूल्य कति निर्धारण गरिएला भनेर धेरै राइडरहरुले चासोपूर्वक प्रतीक्षा गरिरहेका छन् । कम्पनीले वास्तविक मूल्य त्यही दिन नै सार्वजनिक गर्नेछ । यद्यपि यसको मूल्य नेपाली बजारमा ६ देखि ७ लाख रुपैयाँ सम्म पर्ने अनुमान गर्न सकिन्छ ।

मेटियर ३५० मा पावर दिनका लागि ३४९ सीसीको सिंगल सिलिन्डर इन्जिन समावेश गरिएको छ । जसले ६१०० आरपीएममा २०.२ बीएचपीको पावर र ४००० आरपीएममा २७ एनएमको टर्क जेनेरेट गर्छ ।

सो बाइकमा ड्युअल च्यानल एबीएस सिस्टमको साथमा फ्रन्ट र रियरमा डिस्क ब्रेक समावेश छ । सो बाइकको टप भेरिएन्ट सुपरनोभामा प्रिमियम सिट उपलब्ध रहेको छ ।

सो बाइक ६ स्टेप एडजस्टेबल ड्युअल रियर सकर्सको साथमा ४१ एनएम टेलिस्कोपिक र फ्रन्टमा १३० एमएम फोर्क्स समावेश गरेको छ । फ्रन्टमा १००/९० टायर र रियरमा १४०/७० टायर उपलब्ध रहेको छ । सो बाइकको रियरमा ट्वीन ट्युब सक एबजर्बर रहेको छ । रोयल इन्फिल्ड मेटियर ५ ट्रान्समिसन गियरबक्स रहेको छ ।

सो बाइकमा इन्स्ट्रयुमेन्ट क्लस्टर नै मुख्य कुरा हो । यसमा दुई पोड इकाई जसमा एउटा ठूलो र एउटा सानो रहेको छ । सस्पेन्सनको लागि अगाडि टेलिस्कोपिक फोर्क, ट्वीन साइड रियर सक एब्जर्बर समावेश गरेको छ । यसमा स्पिडोमिटर, गियर इन्डिकेटर, ट्रिप मिटर, ओडोमिटर, फ्युल लेवल इन्डिकेटर जस्ता फिचर रहेको छ । साथै ब्लुटुथ कनेक्टिभिटी, नेभिगेसन र यूएसबी चार्जिङ पनि समावेश गरेको छ ।