होन्डालाई रोयल इन्फिल्डको जवाफ : भारतमा लन्च भयो स्मार्ट कनेक्टिभिटीयुक्त मेटियर ३५०

लामो प्रतीक्षा पश्चात रोयल इन्फिल्डले भारतमा मेटियर ३५० बाइक लन्च गरेको छ । एक भर्चुअल लन्च इभेन्टमार्फत यसको मूल्य घोषणा समेत गरिएको छ ।

भारतमा यो बाइकको मूल्य १ लाख ७५ हजार ८२५ भारु तोकिएको छ । फायरबल, स्टेलर र सुपरनोभा जस्ता ३ भेरिएन्टमा उपलब्ध हुने यो बाइकले अब होन्डा हाइनेस सीबी३५० र जावा ट्विन्ससँग प्रतिस्पर्धा गर्नेछ । यसको बुकिङ समेत शुरु भइसकेको छ ।

रोयल इन्फिल्ड मेटियर ३५० मा बीएस ६ मापदण्डयुक्त ३४९ सीसीको एयरकुल्ड, सिंगल सिलिन्डर इन्जिन छ, जसले २०.५ एचपीको पावर र २७ एनएमको टर्क जेनेरेट गर्छ । सो बाइक ५ स्पिड गियरबक्सका साथ लन्च भएको हो ।

मेटियर ३५० मा पहिलो पटक रोयल इन्फिल्डले स्मार्ट कनेक्टिभिटी उपलब्ध गराएको छ, जसलाई रोयल इन्फिल्ड एपको सहयोगले फोनसँग कनेक्ट र कन्ट्रोल गर्न सकिन्छ । त्यसैगरी फोनबाटै नेभिगेसन कनेक्ट गरेर इन्स्ट्रयुमेन्ट क्लस्टरमा देख्न सकिन्छ ।

रोयल इन्फिल्ड मेटियर ३५० मा भएको डिजिटल इन्स्ट्रयुमेन्ट क्लस्टरमा गियर पोजिसनका साथै ओडोमिटर, फ्युल गेज, ट्रिप मिटर र सर्भिस रिमाइन्डर जस्ता फिचर पनि देख्न सकिन्छ । त्यसैगरी यसमा ड्युअल च्यानल एबीएस, ट्विन सक एब्जर्बर, एलईडी डीआरएल भएको सर्कुलर हेलोजन हेडल्याम्प, एलईडी टेलल्याम्प र ४१ एमएम टेलिस्कोपिक फोर्क्स पनि उपलब्ध छ । यसको सिट पनि निकै नै आरामदायी बनाइएको छ ।

रोयल इन्फिल्डले यसलाई ‘इजी क्रुजर’ भनेको छ र रेट्रो चार्म पहिचानका लागि विभिन्न फिचरले सहयोग गरेको छ ।

होन्डाले भारतमा केही दिन पहिले लन्च गरेको हाइनेस सीबी३५० भन्दा यसको मूल्य केही कम भएकाले समेत यसप्रति राइडरको आकर्षण बढ्ने अनुमान गरिएको छ ।