रोयल इन्फिल्डले इलेक्ट्रिक बाइकसहितका नयाँ थुप्रै बाइक ल्याउँदै

रोयल इन्फिल्डले हालसालै केही पुराना बाइक अपडेट गरे पछि अब नयाँ मोडल लन्च गर्ने तयारी गरिरहेको छ। कम्पनीले आउने केही वर्षभित्रै थुप्रै नयाँ मोडल लन्च गर्ने योजना बनाएको छ।

कम्पनीले ४५० सीसीको नयाँ गुरिल्ला बाइकको क्याफे रेसर संस्करण तयार गरिरहेको छ, जुन सन् २०२६ मा लन्च गर्ने सम्भावना छ। यसले ट्रायम्फको थ्रक्सटन ४०० सँग प्रत्यक्ष प्रतिस्पर्धा गर्न सक्नेछ। साथै, मेटियर ३५० र बुलेट ३५० जस्ता लोकप्रिय मोडलमा सामान्य डिजाइन परिवर्तन तथा नयाँ रङग समावेश गरिनेछ, यद्यपि पावरट्रेनमा भने परिवर्तन हुने सम्भावना छैन।

रोयल इन्फिल्डले ६५० सीसी सेग्मेन्टमा नयाँ बाइक 'बुलेट ६५० ट्विन' ल्याउने तयारीमा रहेको छ । सो बाइक क्लासिक ६५० भन्दा सस्तो मूल्यमा उपलब्ध हुने अनुमान गरिएको छ। त्यस्तै, कम्पनीले ७५० सीसी क्षमताको आर प्लेटफर्ममा आधारित बाइकमाथि पनि काम गरिरहेको छ। यस प्लेटफर्ममा बन्ने पहिलो मोडल कन्टिनेन्टल जीटी-आर हुनेछ, जुन सन् २०२५-२६ भित्र लन्च हुने अपेक्षा गरिएको छ।

साथै, कम्पनी पहिलो पटक आफ्नो इलेक्ट्रिक बाइक 'फ्लाइङ फ्ली सी६' को तयारीमा पनि जुटिरहेको छ । यसको लगत्तै स्क्र्याम्बलर शैलीको इलेक्ट्रिक बाइक र ब्याट्रीबाट चल्ने हिमालयन मोडल पनि प्रस्तुत गरिनेछ। कम्पनीले ७५० सीसीको एडभेन्चर हिमालयन बाइक ल्याउने योजना पनि बनाइरहेको छ।