के रोयल इन्फिल्ड हिमालयन ६५० सीसीमा आउँदै छ ? संकेत यस्तै छ

रोयल इन्फिल्ड हिमालयनको हालको मोडल निकै नै लोकप्रिय छ । ४१० सीसीको हालको मोडल भन्दा ठूलो अर्थात ६५० सीसीमा हिमालयन आउने भन्ने चर्चा पहिले देखि नै चलेको हो । कम्पनीले आधिकारिक जानकारी नदिए पनि धेरैले यसको आशा गरेका छन् ।

सन् २०१८ अक्टोबरमा रोयल इन्फिल्डका हेड सिद्धार्थ लालले अझै ठूलो हिमालयनका लागि कम्पनीले योजना बनाइरहेको स्पष्ट बताएका थिए । यसको अर्थ रोयल इन्फिल्डका अन्य मोडल जस्तै यो पनि ६५० सीसीमा आउँछ भन्ने धेरैको अनुमान थियो ।

रोयल इन्फिल्डले पछिल्लो समयमा धेरै नयाँ मोडलका नाम ट्रेडमार्क गराएको थियो । कम्पनीले हाल धेरै मोडल परीक्षण गरिरहेको भए पनि हिमालयनसँग मिल्दो मोडल भने कतै देखिएको छैन ।

तर पनि भारतीय मिडियाहरुले यसको वारेमा केही सम्भावनायुक्त समाचारहरु सार्वजनिक गरिरहेका छन् । मिडिया रिपोर्टका अनुसार हिमालयन ६५० सार्वजनिक गर्ने लगभग अन्तिम तयारीमा कम्पनी लागिरहेको छ ।

सो बाइक भारतमा उत्पादन नभइरहेको कारण पनि यसको वारेमा धेरै चर्चा नभएको हो । कम्पनीले युकेको ब्रटिङथोर्पस्थित टेस्टिङ फ्यासिलिटीमा यसको विकास भइरहेको छ । सो प्लान्ट सर्वसाधारणको उपस्थितिका लागि बन्द छ ।

रोयल इन्फिल्ड हिमालयन ६५० मा हालको इन्टरसेप्टरमा रहेको ६५० सीसी मोटर नै प्रयोग गरिने छ, जसले ४७ पीएस पावर जेनेरेट गर्छ ।

रोयल इन्फिल्डले बजारमा ल्याउने नयाँ बाइकको नाम शेर्पा, हन्टर आदि राख्ने सार्वजनिक भइसकेको छ । यसकारण हिमालयन ६५० को नाम पनि यी मध्ये कुनै हुने सम्भावना पनि छ ।

यद्यपि कम्पनीले यो मोडलको वारेमा कुनै आधिकारिक जानकारी दिएको छैन ।