रोयल इन्फिल्ड हिमालयन अब ४५० सीसीमा आउने

रोयल इन्फिल्डले यो वर्ष भारतमा नयाँ र उत्कृष्ट बाइक लन्च गर्न लागेको छ । रोयल इन्फिल्डले आफ्नो लोकप्रिय एड्भेन्चर बाइक हिमालयनलाई हाल भइरहेको ४११ सीसीको स्थानमा नयाँ ४५० सीसी अवतारमा ल्याउने तयारी गरेको छ ।

एक रिपोर्टका अनुसार कम्पनीले नयाँ बाइक २०२२ को अन्त्यसम्म वा २०२३ को सुरुमा लन्च गर्नेछ । यो बाइक आगामी वर्षको पहिलो त्रैमासमा बजारमा बिक्रीका लागि उपलब्ध हुनेछ । बजारमा आएपछि यो प्रिमियम एड्भेन्चर बाइकले केटीएम ३९०, बीएमडब्ल्यु जी३१०जीएस र अन्य एड्भेन्चर बाइकसँग प्रतिस्पर्धा गर्नेछ ।

हिमालयन ४५० मा हिमालयको परम्परागत लुक र डीएनए कायम राखिने छ । कम्पनीको तर्फबाट यस बाइकमा राउण्ड हेडल्याम्प र रियर भ्यु मिरर, रेस्ड फ्रन्ट फेन्डर, मेटालिक फिनिसमा अपस्वेप्ट एक्जस्ट, वाइड ह्यान्डलबार र म्याचिङ फ्रेम प्रयोग गरिने छ । हिमालयन ४११ मा जस्तै हिमालयन ४५० मा पनि २१ इन्चको फ्रन्ट ह्विल र १७ इन्चको रियर ह्विल प्रयोग गरिनेछ ।

रोयल इन्फिल्डको यो नयाँ बाइकमा ४५० सीसी इन्जिन प्रयोग गरिने छ । यसमा ६ स्पिड गियरबक्स पनि हुने सम्भावना छ ।

एक रिपोर्टका अनुसार रोयल इन्फिल्डको यो नयाँ हिमालयन ४५० को मूल्य लगभग २ लाख ७ हजार भारु हुने सम्भावना रहेको छ ।