रोड सेफ्टी नेसनल अवार्ड प्रदान गरिने, आवेदन आह्वान

काठमाडौं – नेपालको सेफर र सस्टेनेबल मोबिलिटीको क्षेत्रमा उल्लेखनिय योगदान गर्ने व्यक्ति, संघ संस्था तथा अभियानलाई प्रदान गरिने रोड सेफ्टी नेसनल अवार्ड यस वर्ष पनि प्रदान गरिने भएको छ । नेपाल अटोमोबाइल्स एसोसिएसन (नासा नेपाल) ले विगत एक दशक देखि प्रदान गर्दै आइरहेको सो अवार्डका लागि दावेदारी पेश गर्न सम्बन्धित सबैलाई सूचित गरेको छ ।

दावेदारी पेश गर्ने व्यक्ति, संघ संस्था वा अभियानले गत २०८० बैशाख १ देखि २०८१ चैत मसान्त सम्म सडक सुरक्षाको क्षेत्रमा सम्पन्न गरेको कार्य वा उपलब्धिको विवरण पेश गर्नु पर्नेछ ।

निवेदनका साथ कार्यको विस्तृत विवरण, कार्यको परिणाम तथा प्रभाव एवम् यस सम्बन्धी फोटो, भिडियो तथा मिडिया कभरेज बुझाउनु पर्नेछ ।

यसका लागि आगामी साउन १० भित्र संघको सचिवालय वा इमेलमा आफ्नो दावेदारी पेश गर्न सूचित गरिएको छ ।

पहिलो पटक ट्राफिक प्रहरी नेपाललाई प्रदान गरिएको सो पुरस्कार त्यसपछि नारायणकाजी श्रेष्ठ, रविन्द्र अधिकारी, लक्ष्मी प्रतिष्ठान लगायतलाई प्रदान गरिएको थियो ।

फाइल तस्बिर : प्रथम पुरस्कार समारोह