२८ हजार भारु मूल्य कम गरिएको इलेक्ट्रिक बाइकको बुकिङ २ घण्टामै समाप्त

नेपाल अटो
८ असार, २०७८

रिभोल्ट मोटरले भारतीय बजारमा दुई मोडल मात्र उत्पादन गर्छ । कम्पनीको आरभी४०० भारतमा पहिलो इलेक्ट्रिक बाइक हो । आरभी४०० टप र आरभी३०० बेस भेरिएन्ट हो । सो बाइक भारतमा २०१९ देखि उत्पादन सुरु गरिएको थियो ।

सो बाइकको बुकिङ सुरु हुने बित्तिकै केही दिनमा बन्द गर्नु परेको थियो । हालै सो बाइकको बुकिङ दोस्रो पटक खोलिएको छ । बुकिङ खोलिएको २ घन्टा भित्र ५० करोड भारु बराबरको बाइक बिक्री गरिएको थियो । कम्पनीले आरभी४०० को मूल्यमा २८ हजार भारु कम गरेको छ । सो बाइकको एक्स शोरुम मूल्य ९० हजार ७९९ भारु रहेको छ । कम्पनीले आरभी३०० को मूल्यको बारेमा केही जानकारी दिएको छैन ।

कम्पनीले सो बाइक तीव्र गतिमा उत्पादन सुरु गरिएको बताएको छ । कम्पनीले सो बाइक सेप्टेम्बर २०२१ सम्ममा ग्राहकसमक्ष पु¥याउने बाचा गरेको छ । कम्पनीले हालको लागि दिल्ली, मुम्बई, पुणे, चेन्नई, अहमदाबाद र हैदराबादमा आरभी४०० बिक्री गर्नेछ । कम्पनीले भारतको ३५ शहरमा सो बाइकको नेटवर्क विस्तार गर्ने घोषणा गरेको छ ।

रिभोल्ट आरभी४०० मा कम्पनीले ५ केडब्ल्युको इलेक्ट्रिक मोटर जडान गरेको छ । सो बाइकमा ३.२४ केडब्ल्युएचको स्वेपेबल व्याट्री प्याक उपलब्ध रहेको छ । यसमा तीन राइडिङ मोड ईको, नर्मल र स्पोर्ट रहेको छ । बाइकको टप स्पिड ८५ किलोमिटर प्रतिघन्टा रहेको छ ।

रिभोल्ट आरभी४०० इलेक्ट्रिक बाइकमा निकै पावरफुल व्याट्री जडान गरिएको छ । सो व्याट्री फुल चार्जमा १५६ किलोमिटरको दुरी तय गर्ने क्षमता रहेको छ । सो व्याट्री ४ देखि ५ घन्टामा फुल चार्ज गर्न सकिन्छ । सो बाइकमा कम्पनीले ८ वर्ष वा १.५ लाख किलोमिटरको वारेन्टी पनि दिएको छ ।

सो बाइकमा फुल डिजिटल इन्स्ट्रयुमेन्ट प्यानल, जियो लोकेशन, नजिकको चार्जिङ स्टेशनको विवरण जस्ता सुविधाहरु दिइएको छ । साथै स्पिकर र एक्जस्ड साउन्डको फिचर पनि उपलब्ध रहेको छ ।

रिभोल्ट आरभी४०० बाइक वन टाइन पेमेन्टमा मात्र किन्न सकिन्छ । तर जसले एक पटकमा पेमेन्ट भुक्तानी गर्न सक्दैन त्यसको लागि कम्पनीले सब्सक्रिप्सनको योजना दिएको छ । उक्त सब्सक्रिप्सनमा हरेक महिना ६ हजार ७५ र ४ हजार ३९९ भारुको किस्तामा पेमेन्ट गर्न सकिन्छ । सो सब्सक्रिप्सनको प्लान अवधि क्रमशः २४ र ३६ महिनाको हुनेछ ।