रेनोको नयाँ कार ‘बोरियल’, चाँडै लन्च हुने सम्भावना

रेनोले विश्वका विभिन्न देशमा आफ्ना सवारी साधन बिक्री गर्दै आएको छ। कम्पनीले चाँडै नै नयाँ कार लन्च गर्ने तयारी गरिरहेको छ। लन्च हुनु अघि नै उक्त कारको नाम सामाजिक सञ्जालमार्फत सार्वजनिक गरिएको छ।

रेनोले 'रेनो बोरियल' नामक नयाँ कार लन्च गर्ने तयारी गरेको छ। कम्पनीको आधिकारिक ट्विटर एकाउन्टबाट सात सेकेन्डको भिडियो टिजर सार्वजनिक गरिएको छ, जसमा कारको पछाडिपट्टि "रेनाे बोरियल " लेखिएको देखिन्छ। टिजरमा रेनोको नयाँ लोगो पनि देखाइएको छ र कार आगामी महिनामा प्रस्तुत गरिने उल्लेख गरिएको छ।

रिपोर्टका अनुसार, 'रेनो बोरियल' सम्भवतः डस्टर एसयूभीको ७ सिट भएको संस्करण हुन सक्छ। तर, यसको बारेमा आधिकारिक पुष्टि भने भएको छैन।

रेनोले ७ सिटर एसयूभी लन्च गर्नु अघि ५ सिटर डस्टर पनि बजारमा ल्याउने सम्भावना रहेको छ। यद्यपि, त्यस कारको नाम हालसम्म सार्वजनिक गरिएको छैन।

रेनो इन्डियाले हालसम्म 'बोरियल' को बारेमा कुनै आधिकारिक जानकारी दिएको छैन। तर रेनो बोरियल एसयूभी सन् २०२६-२७ को आसपासमा भारतीय बजारमा लन्च गर्ने सम्भावना रहेको छ। नेपाली बजारमा पनि त्यसपछि भित्रिने सम्भावना हुन्छ ।