नयाँ रेनो डस्टर २०२५ मार्चमा ग्लोबल लन्च गरिने, भयो सार्वजनिक

रेनोले पहिलो पटक आफ्नो आगामी कार नयाँ डस्टर सार्वजनिक गरेको छ । कम्पनीले दक्षिण अफ्रिकामा आयोजित एक कार्यक्रममा नयाँ रेनो डस्टर ल्याएको हो । नयाँ डस्टर मार्च २०२५ मा दक्षिण अफ्रिकामा लन्च हुनेछ।

नयाँ पुस्ताको डस्टरको डिजाइन नयाँ ड्यासिया डस्टरसँग मिल्दोजुल्दो छ । यसमा ड्यासियाको सट्टा फ्रन्ट ग्रिलमा रेनोको ब्याज दिइएको छ । यद्यपि यसको हेडल्याम्प, क्ल्याडिङ, साइड प्रोफाइल र टेलल्याम्प ड्यासियासँग मिल्दोजुल्दो छ । नयाँ रेनो डस्टरमा राइट ह्यान्ड ड्राइभ संस्करणको इन्टेरियर लेआउट र प्रविधि दिइएको छ । यो भारतमा उपलब्ध पुरानो डस्टरको तुलनामा फरक देखिन्छ ।

नयाँ रेनो डस्टरमा १.० लिटर टर्बो पेट्रोल, १.२ लिटर पेट्रोल हाइब्रिड र १.६ लिटर पेट्रोल हाइब्रिड इन्जिन रहेको छ । सो इन्जिनका साथै नयाँ डस्टरमा म्यानुअल र अटोमेटिक ट्रान्समिसनको विकल्प पनि हुनेछ ।

रेनो डस्टर सन् २०१२ मा भारतीय बजारमा ल्याइएको थियो । तर नयाँ उत्सर्जन मापदण्ड पूरा नगर्दा यसको बिक्रीमा कमी आयो र सन् २०२२ मा भारतमा यसलाई बन्द गरिएको थियो । यद्यपि कम्पनीले फेरि एकपटक डस्टरलाई भारतमा ल्याउने भएको छ । तर, कम्पनीले नयाँ डस्टर भारतमा लन्च गर्ने वा नगर्ने भन्ने पुष्टि गरेको छैन ।

भारतीय बजारमा नयाँ रेनो डस्टर लन्च भएमा यसको मूल्य करिब १४ लाखदेखि १८ लाख भारुसम्म हुने अनुमान गरिएको छ ।

नेपाली बजारमा पनि यसको बिक्री भएको थियो । अब अपडेट भएर आउने नयाँ रेनो डस्टर नेपाली बजारमा पनि आउने अनुमान गर्न सकिन्छ ।