निशानमा आफ्नो हिस्सा कम गर्दै रेनो, इभीको विकासमा केन्द्रित हुने तयारी

फ्रेन्च अटो निर्माता रेनोले निशानमा लगानी गरेको आफ्नो सेयर हिस्सालाई घटाउने घोषणा गरेको छ । निशानमा हाल कायम रहेको ४३.४ प्रतिशत हिस्सालाई घटाएर उसले १५ प्रतिशातमा झार्ने घोषणा गरेको हो । आफ्नो सेयर विक्री गरेवापत आउने रकमलाई उसले नयाँ इभी व्राण्ड एम्पियरको विकासमा लागनी गर्ने तयारी थालेको अन्तराष्ट्रिय मिडियाहरुमा समचार प्रकाशन भएको छ ।

सेयर हिस्सा कम गर्ने विषयमा यी दुई कम्पनीविच समझदारी भइसकेको छ । रेनोले विक्री गर्न लागेको २८.४ प्रतिशत सेयरको मूल्य हाल ४.१ विलियन डलर रहेको छ । यद्यपी अहिले सेयर मूल्यमा गिरावट आइरहेका कारण तत्कालै सेयर भने विक्री गरिनहाल्ने कम्पनीको भनाई छ ।

निशानसंगको सहकार्यलाई कम गर्दै रेनोले चीनीयाँ व्राण्ड गिलीमा लगानी गर्ने योजना बनाएको जनाइएको छ । साथै आफ्नै लगानीमा नयाँ व्राण्डको इभी विकासमा केन्द्रित हुने उसको तयारी छ । यी दुई व्राण्डले संयुक्त अलायन्स वनाएर अहिले विश्वका धेरै राष्ट्रमा एउटै प्लान्टबाट सवारी साधन उत्पादन गरिरहेको छ ।