रेनोको नयाँ इलेक्ट्रिक कार सेप्टेम्वर ४ मा सार्वजनिक हुने

फ्रेन्च अटो निर्माता रेनोले जर्मनीको म्युनिख सहरमा आयोजन हुने मोटर सोमा नयाँ इलेक्ट्रिक कार सार्वजनिक गर्ने भएको छ । कम्पनीने यसअघि बजारमा ल्याउने बताउँदै आएको सेनिक भीजन कन्सेप्टलाई सो मोटर सोमा सार्वजनिक गर्न लागेको हो ।

रेनोको सो नयाँ एसयुभी हाल उपलब्ध रहँदै आएको मेगन ई–टेक इलेक्ट्रिक क्रसओभर भन्दा ठूलो र फराकिलो हुने जनाइएको छ । सो एसयूभी ४४९० एमएम लामो, १५०० एमएम चौडार १५९० एमएम अग्लो हुनेछ । हाल यसको ९० प्रतिशत भन्दा वढी एक्सटेरियर डिजाइन तयार भइसकेको छ ।

सेनिक भीजनमा रेनोले मेगन ई– इलेक्ट्रिकमा प्रयोग भएको पावरट्रेनलाई सेयर गर्न लागेको अनुमान गरिएको छ । जसअनुसार यो नयाँ एसयूभीमा ६० किलोवाट आवरको व्याट्री जडान हुनेछ भने यसको पावर २१५ एचपी र रेन्ज २८० माइल रहने दावी गरिएको छ ।

सो नयाँ एसयुभीलाई कम्पनीले ७० प्रतिशत रिसाइकल सामाग्रीको प्रयोग गरी निर्माण गर्न लागेको हो । जसमध्ये ९५ प्रतिशत सामाग्रीलाई पुन रिसाइकल गर्न मिल्ने हुँदा नयाँ एसयुभी पूर्णत बातावरणमैत्री रहने कम्पनीले जनाएको छ ।