देशका १५ स्थानबाट किन्न सकिन्छ रेनो कार, यी स्थानमा भए शोरुम बिस्तार

फ्रेन्च अटो मेकर रेनो नेपाली कार बजारमा परिचित ब्रान्ड हो । कम्प्याक्ट एसयुभी डस्टरसंगै नेपाल भित्रिएको यो ब्रान्डसंग अहिले डस्टर सहित ह्याचब्याकमा क्विड, सब फोर मिटरमा काइगर र ट्राइबर एमिपिभी गरी कुल ४ वटा मोडल उपलब्ध छ । जसमध्ये अहिले क्विड र काइगरलाई सर्बाधिक रुचाइएको छ भने डस्टर एसयुभी र एमपिभी सेग्मेन्टको ट्राइबर समेत ग्राहकको रोजाइमा परिरहेको छ ।

रेनो गाडीको बिक्री बितरणलाई सहज पार्न आधिकारिक बितरक एड्भान्स अटोमोबाइलले देशका १५ स्थानमा शोरुम बिस्तार गरेको छ । जसमध्ये उपत्यकामा थापाथली, नक्साल र भक्तपुरमा गरी कुल ३ वटा शोरुम सञ्चालन भैरहेको छ भने बाँकी १२ वटा शोरुम उपत्यका बाहिरका बिभिन्न शहरहरुमा रहेका छन् । उपत्यका बाहिर बनेपा, पोखरा, बुटवल, भैरहवा, नारायणघाट, बिराटनगर, धनगढी, जनकपुर, बिर्तामोड, दाङ, नेपालगन्ज र बिरगन्जमा थ्री एस भनिनेर सेल्स, सर्भिस र स्पेयर पार्ट्स सहितको नेटवर्क बिस्तार भएको छ । यी स्थानबाट ग्राहकले आफूलाई चाहिएको रेनो गाडी कार खरिद गर्न सक्नेछन् ।