रेनो–५ ईभी भोली सार्बजनिक हुँदै, यस्तो हुनेछ फिचर र रेन्ज

फ्रेन्च अटो निर्माता रेनोले भोली आफ्नो पहिलो इलेक्ट्रिक कार सार्बजनिक गर्ने भएको छ । जेनेभा अटो शोको अबसर पारेर कम्पनीले रेनो–५ ईभीको ग्लोबल डेब्यू गर्न लागेको हो । सार्बजनिक हुनु अगाडी लिक भएको तस्विरमा सो नयाँ कार निकै आकर्षक र स्पोर्टी देखिएको छ ।

कारमा ५२ किलोवाट आवरको ब्याट्री प्याक रहने जनाइएको छ । सींगल चार्जमा ४०० किलोमिटर रेन्ज दिने बताइएको सो नयाँ कारमा १३५ बीएचपी क्षमताको मोटर जडान गरिनेछ । कारको लम्बाई ३.९२ मिटर रहनेछ । सन् २०२१ मा देखाइएको कन्सेप्ट कारमा आधारित सो कार कम्पनीको सिएमएफ प्लेटफर्ममा निर्माण हुनेछ ।

यूरोपियन डिजाइनमा निकै नै आकर्षक देखिएको सो नयाँ कारको ड्याबोर्डमा दुईवटा ठूला डिस्प्ले उपलब्ध हुनेछ । यसैगरी क्लाइमेट कन्ट्रोल, गियर सेलेक्टर वटन, इलेक्ट्रोनिक पार्किङ ब्रेक, स्टार्ट/स्टप वटन सहितको स्पोर्टी थ्री स्पोक स्टेरिङ ह्विल र ग्लसी स्टेरिङ माउन्टेड कन्ट्रोल लगायत फिचर उपलब्ध हुनेछ ।

सो नयाँ कार यूरोपेली बजारलाई लक्षित गरि ल्याउन लागिएको हो । अर्को बर्षदेखी बिक्री सुरु हुने अनुमान गरिएको कार त्यसपछि विस्तारै यूरोप बाहिरको बजारमा समेत उपलब्ध हुनेछ । कारको फिचर, डिजाइन र पर्फमेन्सका बारेरमा बिस्तृत जानकारी वाहिर ल्याइएको छैन ।