पुरानै मूल्यमा रेनोले ल्यायो क्विड, काइगर र ट्राइवरको फेस्टिव लिमिटेड एडिसन

रेनोले आज भारतीय बजारमा क्विड, काइगर र ट्राइवरको फेस्टिव लिमिटेड एडिसन लन्च गरेको छ । हाल कारोबार भैरहेको यी तीन नयाँ मोडलमा कस्मेटिक अपग्रेड गरी यो लिमिटेड एडिसन लन्च गरिएको हो । रेगुल मोडलको टप भेरियन्टमा आधारित यी कार मिस्ट्री व्ल्याक रुफ सहित सेतो रङ अप्सनमा मात्र उपलब्ध छ ।

यी कारको फ्रन्ट ग्रिल, साइड डोर र एलइडी डे टाइम रनिङ लाइटको वरिपरी स्पोर्टी रेड एसेन्ट दिइएको छ । जसले कारको एक्सटेरियरलाई फ्रेस वनाएको फिल दिन्छ ।

यी तीन कारमध्ये काइगरको ह्विल कभरमा सिल्भरस्टोन कलर र व्रेक क्यालिपरमा रेड कलर दिइएको छ । यसैगरी ट्राइवरको ह्विल कभर र डोर ह्यान्डलमा पियानो व्ल्याक फिनिस दिइएको छ । क्विडको फ्रन्ट र रियर स्किड प्लेट र सि पिल्लरमा रेड फिनिस दिइएको छ भने मिरर ह्विल कभरमा पियानो व्ल्याक फिनिस दिइएको छ ।

मेकानिकल पक्षमा कुनै परिवर्तन नगरिएको यी कारको मूल्य पुरानैलाई निरन्तरता दिइएको छ । यी कारको वुकिङ भोलिदेखी शुरु हने कम्पनीले जनाएको छ ।