रेनोले ल्यायो क्विडको १० औं वार्षिकोत्सव संस्करण, यस्तो छ विशेषता

रेनोले भारतमा क्विडको १० औं वार्षिकोत्सव संस्करण सार्वजनिक गरेको छ । ५०० युनिटमात्र उत्पादन हुने यस कारको सुरुवाती मूल्य ५ लाख १४ हजार भारु निर्धारण गरिएको छ ।

क्विडको १० औं वार्षिकोत्सव संस्करणमा रेनोले ब्लाक रुफका साथ फायरी रातो र खैरो रंगको आकर्षक डुअल टोन कलर दिएको छ । कारमा ब्ल्याक फ्लेक्स ह्विल, ढोका र सि पिल्लरमा अद्वितीय वार्षिकोत्सव डेकल्स तथा पहेंलो ग्रिल इन्सर्ट उपलब्ध गराइएको छ ।

कारको इन्टेरियरमा पहेंलो एक्सेन्ट सहितको १० औं वार्षिकोत्सव–थीम भएको सिट, मेटल मस्टर्ड स्टिचिङको साथ लेदरेट स्टेरिङ ह्वील, इन्फोटेनमेन्ट सराउन्ड एबं डोर ट्रिम, एलुमिनेटेड स्कफ प्लेट र पडल ल्याम्प लगायत विशेषता पाउन सकिनछ ।

नयाँ संस्करणको नाम इभोलुसन र टेक्नो राखिएको छ । जुन हाल उपलब्ध आरएक्सएल र आरएक्सटी भेरिएन्टमा आधारित रहेको छ ।