रेनो डस्टर खरिद गर्ने अन्तिम मौका, अब केही परिमार्जनका साथ आउने

रेनोले आगामी दिनमा डस्टर एसयूभीलाई केही परिमार्जन सहित बजारमा ल्याउने भएको छ । यसकारण अब केही समय मात्र हालको मोडल बिक्रीका लागि उपलब्ध हुनेछ ।

रेनो डस्टर भारतीय बजारमा सन् २०१२ मा लन्च गरिएको थियो । डिजाइनको हिसाबले सो एसयूभी युरोपियन कार भन्दा कम छैन । टेक्नोलोजीमा पनि अन्य एसयूभीको तुलनामा एक कदम अगाडि नै रहेको छ । कम्पनीले नयाँ सेगमेन्टको कम्प्याक्ट एसयूभी पनि पेश गरिसकेको छ ।

इन्डियन अटोमोटिभ इन्डस्ट्रीमा डस्टरले पहिलो पटक सेडान कारको लोकप्रियतालाई चुनौती दिएको थियो । पछिल्लो एक दशकमा यो सेगमेन्टमा हरेक वर्ष १ दर्जन भन्दा बढी एसयूभी लन्च हुँदै आएको छ । यद्यपि डस्टरको लोकप्रियतामा भने कुनै कमी आएको छैन । १० वर्षको अन्तरालतमा डस्टरले दुई पटकमात्र फेसलिफ्ट मोडल ल्याएको छ ।

रेनो डस्टर लोकप्रियताको कारण
रेनो डस्टरमा १० वर्षको अन्तरालमा सबैभन्दा ठूलो परिवर्तन १.३ लिटर टर्बो पेट्रोल इन्जिन हो, जसले १५४ बीएचपी पावर जेनेरेट गर्छ । सो इन्जिन रेनो र डेमलरको संयुक्त प्रयासमा विकसित गरिएको हो । सो इन्जिन रेनो, निसान र मर्सिडिजमा पनि प्रयोग गरिन्छ । सिटी र हाइवेमा यो इन्जिन निकै प्रभावकारी देखिन्छ । सिटीको लागि यसमा अटोमेटिक गियबक्सको विकल्प समावेश गरिएको छ । जसले १५४ बीएचपीको पावर जेनेरेट गर्छ ।

सदाबहार डिजाइन
डस्टरको डिजाइन निकै आकर्षक भएको कारणले गर्दा १० वर्षसम्म सो कारको डिजाइनमा केही परिवर्तन नगरिएको हो । सन् २०१९ मा फेसलिफ्टको डिजाइनमा भने केही परिवर्तन गरिएको थियो । जसमा क्रोम र नयाँ अलोय ह्विलको प्रयोग बढाइएको थियो । रियरमा भने खासै परिवर्तन गरिएको थिएन ।

लामो दुरीको लागि उपयुक्त
लामो दुरीको यात्राको लागि डस्टर एसयूभी निकै उपयोगी एसयूभी हो । यसमा लामो दुरीको यात्रा गर्दा थकान महसुस हुँदैन ।

मूल्य र भेरिएन्ट
नेपाली बजारमा हाल दुई मोडलका रेनो डस्टर उपलब्ध छन् । १.५ लिटर क्षमताको पेट्रोल इन्जिनयुक्त रेनो डस्टरको मूल्य ४६ लाख ९९ हजार र डिजेल इन्जिनयुक्त डस्टरको मूल्य ५० लाख ९९ हजार रुपैयाँ तोकिएको छ ।