रिसाइकल मेटरियलबाट बनको रेनोको कार : जुन हाइड्रोजन र इलेक्ट्रिक इन्जिनबाट चल्छ

रेनोले पेरिसको चाङनाउ समिटमा आफ्नो कन्सेप्ट कार सिनिक भिजन सार्वजनिक गरेको छ । यो रेनोको दिगो विकास रणनीतिमा आधारित छ । कम्पनीले यो बनाउनका लागि ७० प्रतिशत रिसाइकल सामग्री प्रयोग गरेको छ ।

कम्पनीले जारी गरेको टिजरमा सो कारको झलक देखाइएको छ । टिजरमा कारको फ्रन्ट फेसिया र एलईडी हेडलाइटको डिजाइन देख्न सकिन्छ । कन्सेप्ट कार कम्पनीको इलेक्ट्रिक कार मेगन जस्तो देखिन्छ । यसमा मेगनको जस्तै स्लिम हेडलाइट क्लस्टरको साथ क्रसओभर जस्तो डिजाइन देख्न सकिन्छ । मेगनमा इन्डिकेटर माउन्टेड ओआरभीएमएस, फ्लस डोर ह्यान्डल र एक पूर्ण–चौडाइको एलईडी लाइट बार र पछाडि शार्क–फिन एन्टेना रहेको छ ।

रेनो सिनिक भिजन कन्सेप्ट कारको ब्याट्री सहित करिब ९५ प्रतिशत रिसाइकल सामग्रीबाट बनेको छ । कारको फर्श दूधका बोतल, प्लास्टिकका पाइप जस्ता प्लास्टिक स्क्रापबाट बनेको छ । कारको एक्सटेरियर रिसाइकल कार्बनबाट बनाइएको छ । यसको इन्धन ट्याङ्की कागजको फोहोरबाट बनेको कार्बन फाइबरबाट बनेको छ ।

नयाँ रेनो सिनिक भिजन कन्सेप्ट कारमा हाइब्रिड र हाइड्रोजन इन्जिन दुवै प्रयोग गरिएको छ । कन्सेप्ट कारको ब्याट्री अन्य ब्याट्रीको भन्दा ७५ प्रतिशत सानो कार्बन फुटप्रिन्ट प्रयोग गरिएको छ । यसमा एच२–टेक टेक्नोलोजीमा आधारित मिक्स पावरट्रेन, १६ केडब्ल्यु ब्याट्री र ४० केडब्ल्युएच क्षमताको ब्याट्री उपलब्ध छ । यो प्रविधि रेन्ज एक्सटेन्डर टेक्नोलोजीमा आधारित छ, जसले कन्सेप्ट कारमा र्२ गुणा हल्का ब्याट्रीभन्दा धेरै रेन्ज दिन्छ ।