रेनोले नयाँ मिडसाइज एसयूभी अरकाना हाइब्रिड टेक्नोलोजीमा लन्च गर्ने

हालै रेनो अरकाना एसयूभी परीक्षणको क्रममा देखिएको छ । सो एसयूभीले रेनो डस्टरलाई प्रतिस्थापन गर्न सक्ने अनुमान गरिएको छ । यो एसयूभी मिडसाइज सेगमेन्टमा आउन सक्ने दाबी गरिएको छ । रेनो अरकानाले सबैभन्दा बढी बिक्री हुने हुन्डाई क्रेटा, किया सेल्टोस, मारुती सुजुकी ग्रान्ड भिटारा र टाटा ह्यारियर जस्ता कारसँग प्रतिस्पर्धा गर्नेछ ।

नयाँ मिडसाइज एसयूभी रेनो अरकानामा हाइब्रिड प्रविधिले सुसज्जित १.३ लिटर पेट्रोल इन्जिन हुने अनुमान गरिएको छ । यसलाई ६ स्पिड म्यानुअल र ६ स्पिड अटोमेटिक ट्रान्समिसन विकल्पमा उपलब्ध गराउन सकिन्छ ।

रेनो अरकानाको लम्बाई ४.५ मिटर, चौडाइ १.८ मिटर, उचाइ १.५ मिटर र ह्विलबेस २.७३ मिटर हुनेछ । यसको ग्राउन्ड क्लियरेन्स पनि राम्रो हुनेछ । सो एसयूभी कुपे स्टाइलमा डिजाइन गरिएको छ ।

सो एसयूभी एलईडी हेडल्याम्प, टेलल्याम्प, एलईडी डीआरएल, पावरफुल फ्रन्ट र रियर लुक र स्टाइलिस डिजाइन देखिनेछ । फिचरको लागि रेनो अरकानामा लक्जरी इन्टेरियर र सीटका साथै वायरलेस स्मार्टफोन कनेक्टिभिटी सपोर्टसहितको ठूलो टचस्क्रिन इन्फोटेनमेन्ट प्रणाली, वायरलेस चार्जर, प्रिमियम साउन्ड, अटोमेटिक एसी, क्रुज कन्ट्रोल र मल्टिपलल एयरब्यागलगायतका स्ट्यान्डर्ड र सेफ्टी फिचर हुनेछ ।

मिडसाइज एसयूभी रेनो अरकानाको प्रारम्भिक मूल्य १० लाख भारुभन्दा बढी हुन सक्छ । मिडिया रिपोर्टका अनुसार अरकानामा एड्भान्स ड्राइभर असिस्टेन्स प्रणाली जस्ता फिचर पनि हुनेछ ।