कारमा हुने एयर रिसर्कुलेशन मोडले कसरी गर्छ काम ?

गर्मीमा बाहिर पार्क गर्दा कार छिट्टै तात्न थाल्छ । यस्तो अवस्थामा एसी अन गरेपछि पनि कार चिसो हुन केही समय लाग्छ । तर, कारमा हुने एयर रिसर्कुलेशन बटनलाई एसीको साथ खोल्दा छिटो चिसो हुन मद्दत गर्छ ।

कारमा रहेको एयर रिसर्कुलेशन बटनलाई बाहिरको हावा खिच्नुको सट्टा क्याबिन भित्रको हावा पुनः परिक्रमा गर्न डिजाइन गरिएको हुन्छ । यद्यपि यसले हावालाई सीधै चिसो पार्न सक्दैन, तर केही कारणले गर्दा यसले गर्मीमा कारलाई छिटो चिसो बनाउन मद्दत गर्छ ।

क्याबिनको हावा सामान्यतया गर्मीका दिनमा बाहिरको हावा भन्दा चिसो हुने हुँदा रिसर्कुलेशन मोड एक्टिभ गर्दा यसले बाहिरको चिसो हावा नतानी क्याबिन भित्र पहिले नै अवस्थित चिसो हावा प्रयोग गर्छ । यस्तो अवस्थामा एयर कन्डिसनिङ सिस्टमले हावालाई चिसो बनाउन धेरै मेहनत गर्नुपर्दैन ।

ट्राफिकमा वा कार पार्क गर्दा रिसर्कुलेशन एयरको प्रयोगले कार भित्र थप सहज तापक्रम कायम राख्न मद्दत गर्छ । किनभने यसले घाममा पार्क गर्दा कारको भित्री भाग धेरै तातो हुन सक्छ र हावा रिसर्कुलेशन गर्दा बाहिरबाट थप तातो हावा भित्र आउन दिंदैन ।

रिसर्कुलेशन मोडले कारलाई छिटो चिसो बनाउन मद्दत त गर्न सक्छ तर यसको प्रयोग दीर्घकालीन रुपमा प्रयोग गर्न भने उपयुक्त हुँदैन । किनभने बाहिरको ताजा हावा बिना लामो समयसम्म रिसर्कुलेशन मोड प्रयोग गर्दा क्याबिन भित्रको हावाको गुणस्तर घटाउन सक्छ । यसमा ओसिलो र प्रदूषकहरू जम्मा हुन सक्छ । त्यसकारण, राम्रो भेन्टिलेसनको लागि समय समयमा ताजा हावा मोडमा स्विच गर्नुपर्छ ।