रोयल इन्फिल्डको लोकप्रिय बाइक हिमालयन अब अपडेट भर्सनमा

रोयल इन्फिल्डले आफ्नो लोकप्रिय बाइक हिमालयनलाई ३ नयाँ रङमा अपडेट भर्सन लन्च गरेको छ । सो बाइक एड्भेन्चर टुरिङ बाइक हो ।

सो बाइकमा ग्रिल र साइड प्यानलमा एम्बोस्ड लोगो र चार्जिङ पोर्ट पनि छ । नोभेम्बर २४ देखि नयाँ हिमालयन भारतका सबै रोयल इन्फिल्ड डिलरमा बुकिङ र टेष्ट ड्राइभका लागि उपलब्ध हुनेछ । बाइकको मूल्य २ लाख १५ हजार ९०० भारु तोकिएको छ ।

रोयल इन्फिल्डका प्रमुख कार्यकारी अधिकृत बी गोविन्दराजनले रोयल इन्फिल्ड हिमालयन पहाडमा चढ्ने र केही कठिन भूभागका लागि विकसित गरिएको बताएका छन् । हिमालयन बाइक ग्राहकहरुका लागि सरल, बहुमुखी र कहीं ड्राइभ गर्न सक्ने एड्भेन्चर टुरिङका नयाँ सेगमेन्ट बाइकको रुपमा निर्माण गरेको दाबी गरिएको छ ।

रोयल इन्फिल्डको लाइनअपमा हन्टर ३५०, क्लासिक ३५०, मेटियर ३५० क्रुजर, ६५० ट्विन बाइक इन्टरसेप्टर र कन्टिनेन्टल जीटी, हिमालयन एड्भेन्चर टुरर र स्क्राम ४११ एडीभी क्रसओभर र बुलेट ३५० समावेश छन् ।

भविष्यमा यो बाइक नेपाली बजारमा पनि उपलब्ध हुने अपेक्षा गर्न सकिन्छ ।