रोयल इन्फिल्डद्धारा हिमालयन ६५० को परिक्षण सुरु, यस्तो हुनेछ नयाँ मोटरसाइकल

रोयल इन्फिल्डले आफ्नो नयाँ एड्भेन्चर मोटरसाइकल हिमालयन ६५० को परिक्षण सुरु गरेको छ । सो नयाँ मोटरसाइकल भारतमा परिक्षणका क्रममा पहिलोपटक देखापरेको छ । स्पाई तस्विर अनुसार यसमा स्पोक्ड ह्वील, अगाडि डुअल पेटल डिस्क ब्रेक अप, साइजेबल इन्स्ट्रुमेन्ट क्लस्टर, फुल एडजस्ट गर्न मिल्ने यूएसडी फोर्क, मेटी अपस्वेप्ट एक्जास्ट, स्प्लिट सिट सेटअप र स्प्लिट ग्राब ह्यान्डल सामेल गरिएको छ ।

रोयल इन्फिल्डले ६५० सीसी एड्भेन्चर मोटरसाइकलको साथ प्रिमियम लुक्स प्रदान गर्ने तयारी गरेको छ । यसले केही हदसम्म डकार र्याली बाइकबाट प्रेरित नयाँ डिजाइन भाषा प्राप्त गर्ने अपेक्षा गरिएको छ । साथै यो यामाहा टेनेरे र होन्डा अफ्रिका ट्विन जस्तै लुक्समा उपलब्ध हुने अनुमान गरिएको छ ।

नयाँ मोटरसाइकलमा पुरानै ६४९ सिसी एयर÷ओइल–कूल्ड, प्यारलल–ट्विन सिलिन्डर इञ्जिन जडान हुनेछ । उक्त इन्जिनले ४७ बीएचपी र ५२ एनएम टर्क जेनेरेट गर्छ भने ६ स्पीड गियरबक्ससँग जोडिएको छ । यद्यपि, एड्भेन्चर मोटरसाइकलको क्यारेक्टर अनुरूप यस इन्जिनमा केही सुधार र रिम्यापिङ हुन सक्नेछ ।

हाल परीक्षणको प्रारम्भिक चरणमा रहेको नयाँ मोटरसाइकल २०२५ पछि आउने अनुमान गरिएको छ । यसको मूल्य ४ लाख भारु पने अनुमान गरिएको छ ।