७ वर्षसम्म स्थिर रहने ब्याजदरमा अटो लोन, ब्याजदर जम्मा ७.७७ प्रतिशत

काठडमाडौं– राष्ट्रिय बाणिज्य बैंकले ७ वर्षसम्म स्थिन रहने ब्याजदरमा अटो लोन दिने नयाँ स्किम ल्याएको छ । ‘आरबीबी भेहिकल लोन फेस्टिभ अफर’ नाम दिइएको उक्त योजनामा ग्राहकले जम्मा ७.७७ प्रतिशत ब्याजदरमै अटो लिन सक्ने भएका हुन् ।

भदौ ११ गतेदेखी आयोजना हुने नाडा अटो शो र नजिकिँदै गएको चाडपर्बलाई मध्येनजर गरी बैंकले निकै नै आकर्षक ब्याजदरमा अटो लोन दिने स्किम ल्याएको हो । स्कीम कार्तिक मसान्तसम्म लागु हुने जनाइएको छ ।

बैंकले विद्युतीय कारमा ८० प्रतिशतसम्म र पेट्रोल कारमा ब्यक्तिलाई ५० तथा संस्थालाई ७० प्रतिशतसम्म कर्जा सुविधा उपलब्ध गराउने छ । यसरी कर्जा दिँदा सेवा शुल्क ०.५० प्रतिशत भुक्तानी गर्नुपर्ने जनाइएको छ । बैंकको देशभर रहेका जुनसकुै शाखाबाट यो कर्जा सुविधा लिन सकिन्छ ।