अस्थिर नीतिको असर विद्युतीय सवारीमा पर्यो : रवि लामिछाने

काठमाडौँ । राष्ट्रिय स्वतन्त्र पार्टीका सभापति तथा संसाद रवि लामिछानेले विद्युतीय गाडीका करको दरमा दुईपटक परिवर्तन गरेका बताएका छन् । प्रतिनिधि सभाको बुधबारको बैठकमा बोल्दै उनले सरकारको अस्थिर नीतिका कारण देशको अर्थतन्त्र बलियो हुन नसकेको बताएका हुन् ।

उनले भने, “अघिल्लो सरकारले लिएको नीति पछिल्लो सरकारले परिवर्तन गर्छन् । त्यसको असर विद्युतीय सवारीमा परेकाे उदाहारण हामीले देख्न सकिन्छ । त्यसकारण राज्यले लिने नीतिमा स्थायित्व भएन भने उद्यमी, व्यावसायीको मनोबल खस्किन्छ ।"

आर्थिक वर्ष २०७९| ०८० मा शून्यदेखि सय किलोवाटसम्मका सवारी साधनका लागि पुरानै दर अर्थात भन्सार शून्य र अन्तशुल्क १५ प्रतिशत कायमै राखिएको छ । एक सय किलोवाटदेखि दुई सय किलोवाटसम्मका सवारीमा सरकारले अन्तःशुल्क ३० प्रतिशत कायम गरेको छ ।

यसैगरी तीन सय किलोवाटभन्दा बढीका विद्युतीय सवारीलाई भन्सार शुल्क र अन्तःशुल्क दर पनि ६०/६० प्रतिशत कायम गरिएको छ । यी दुबै जोड्दा एक सय २० प्रतिशत राजस्व तिर्नुपर्ने हुन्छ ।