नेपाल पश्चात भारतमा लन्च भयो प्योर ईभीको पहिलो इलेक्ट्रिक बाइक इट्रिस्ट३५०

इलेक्ट्रिक टु ह्विल निर्माता कम्पनी प्योर ईभीले आफ्नो पहिलो इलेक्ट्रिक बाइक इट्रिस्ट ३५० लन्च गरेको छ । सो बाइकको एक्स शोरुम मूल्य १ लाख ५४ हजार ९९९ भारु छ ।

नेपाली बजारमा पनि यो बाइक हालै उपलब्ध भइसकेको छ । नेपालका लागि प्योर ईभीको आधिकारिक वितरक ह्वाइट लोटस मोटर्सले सो बाइक ३ लाख ९९ हजार रुपैयाँ मूल्यका साथ बिक्री गरिरहेको छ ।

प्योर इट्रिस्ट३५० इलेक्ट्रिक बाइकमा ३.५ केडब्ल्युएच ब्याट्री जडान गरिएको छ र यसले फुलचार्जमा १४० किलोमिटरको रेन्ज दिन्छ । यो बाइकको टप स्पिड ८५ किमी प्रतिघण्टा रहेको छ ।

सो बाइकले प्रिमियम १५० सीसी बाइकसँग सीधा प्रतिस्पर्धा गर्ने कम्पनीको दाबी छ । यसको ब्याट्रीमा ५ वर्ष वा ५० हजार किलोमिटरको वारेन्टी दिइएको छ ।

यो बाइकमा इकोनोमिकल र हाई परफर्मेन्स मोड दिइएको छ । प्योर इट्रिस्ट३५० इलेक्ट्रिक बाइक ३ रङमा लन्च गरिएको छ । प्योर ईभीले ई–प्लुटो र ई ट्रिस्ट जस्ता इलेक्ट्रिक स्कुटर पनि बिक्री गर्छ ।