प्योर ईभी ईट्रान्स नियोको खुल्यो बुकिङ, मूल्य २ लाख ४९ हजार

काठमाडौं – भारतीय इलेक्ट्रिक स्कुटर ब्रान्ड प्योर ईभीको ईट्रान्स नियोको फेरि बुकिङ खुलेको छ । नेपालका लागि आधिकारिक वितरक ह्वाइट लोटस मोटर्सले पहिले बिक्री गरेको भए पनि बीचमा सो स्कुटर उपलब्ध नभएकोमा अब फेरि बिक्रीका लागि उपलब्ध हुने बताएको छ ।

ईट्रान्स नियो स्कुटरको मूल्य २ लाख ४९ हजार रुपैयाँ छ । यसमा ६० भोल्ट २.५ किलोवाट आवर क्षमताको पोर्टेबल ब्याट्री प्याक र १.५ किलोवाट नोमिनल र २.२ किलोवाट पिक बिएलडिसी मोटर छ । जसले सिंगल चार्जमा ११६ किलोमिटरको रेन्ज दिन्छ ।

स्कुटरको ब्याट्रीमा ३ वर्ष, तथा मोटर र कन्ट्रोलरमा १/१ वर्षको वारेन्टी र एक वर्षमा ४ पटक सम्म फ्रि सर्भिसिङ कम्पनीको तर्फबाट उपलब्ध गराइने छ ।

इलेक्ट्रिक स्कुटर किन्नका लागि सहज फाइनान्सको समेत व्यवस्था भएको प्योर ईभीको मुख्य सोरुम काठमाडौंको नक्सालमा रहेको छ । त्यसैगरी टेकु र गावहाल तथा उपत्यका वाहिर बुटवल, कावासोती, नारायणघाट, जनकपुर, इटहरी र पोखरामा प्योर ईभीका सोरुम छन् । प्योर ईभीका लागि हाल कम्पनीले काठमाडौं उपत्यका वाहिर विराटनगर, विर्तामोड, वीरगन्ज, नेपालगन्ज, भैरहवा, दाङ, सुर्खेत, बनेपा र काठमाडौं उपत्यकामा समेत विभिन्न स्थानका लागि डिलर आह्वान समेत गरेको छ । कम्पनीले केही दिनमै हेटौंडामा सोरुम सञ्चालन गर्ने बताएको छ ।