प्योर ईभीले सम्पन्न ग-यो काठमाडौंदेखि धुलिखेलसम्म इलेक्ट्रिक स्कुटर -याली

काठमाडौं – नेपाली बजारमा उपलब्ध प्योर ईभी ब्रान्डका इलेक्ट्रिक स्कुटर -याली ‘ग्रिन माइल -याली’ सम्पन्न भएको छ । नेपालका लागि प्योर ईभीको आधिकारिक वितरक ह्वाइट लोटस मोटर्सको संयोजनमा सो -याली आयोजना गरिएको हो । शनिबार प्योर ईभीको नक्सालस्थित सोरुमबाट प्रारम्भ भएको सो -याली धुलिखेलस्थित धुलिखेल लज एन्ड रिसोर्टमा पुगेर समापन भएको थियो । सो अवसरमा काठमाडौंदेखि धुलिखेलसम्मको उकालो ओरालो सडकमा समेत इलेक्ट्रिक स्कुटर चलाएर राइडरहरुले गजवको अनुभव लिएका थिए । सो अवसरमा जना प्योर ईभी राइडरहरुको सहभागिता थियो । दैनिक यात्राको लागि वातावरणमैत्री विकल्प रोजौ भन्ने यसको मुल नारा थियो । पहिलो पटक भएको कम्पनीको सो -यालीमा ५० भन्दा बढी इलेक्ट्रिक स्कुटर चालकहरुको सहभागिता रहेको थियो । नेपाली बजारमा पहिलो पटक प्योर ईभीको ईप्लुटो ७जी मोडल २०२० डिसेम्बरमा भित्रिएको थियो । २०२१ अप्रिलमा नयाँ मोडल इट्रान्स नियो बिक्री प्रारम्भ हुने भएको छ । ईप्लुटो ७जी २ हजार २ सय वाट मोटर, रिमुभेबल ६० भोल्ट ४० एएच लिथियम आयोन ब्याट्री भएको इलेक्ट्रिक स्कुटर हो । यसलाई ३.५ घण्टामा रिचार्ज गर्न सकिन्छ र ६० किमी प्रति घण्टाको गतिमा कुदाउन सकिन्छ । यसलाई सिंगल चार्जमा ११६ किमी चलाउन सकिन्छ । एक औसत व्यक्तिले पेट्रोलबाट चल्ने स्कुटर चलाउदा भन्दा ब्याट्रीबाट चल्ने स्कुटर प्रयोग गर्दा वार्षिक अनुमानित ५० हजार रुपैयाँ बचत हुने कम्पनीको भनाइ छ । ह्वाइट लोटस मोर्टसका म्यानेजिङ डाइरेक्टर अशोक खड्गीले नेपालमा दुई पांग्रे विद्युतीय सवारीले छोटो समयमा नै लोकप्रियता पाएको र प्योर ईभी ब्रान्डका स्कुटरहरु नेपालीहरुको व्यक्तिगत उपयोगका लागि वास्तवमै सर्वाेत्कृष्ट सवारी साधन बनेको बताए । प्योर ईभी स्कुटरले नेपाल सरकारको नियम अनुसार सडक परीक्षण पास गरि दर्ता प्रक्रियाको अनुमति लिन सफल भएको छ । प्योर ईभीका इलेक्ट्रिक स्कुटर किन्नका लागि फाइनान्स सुविधा उपलब्ध गराउन नेपालको ‘क‘वर्गको चार वटा बैंकसँग फाइनान्स सुविधा उपलब्ध भएको बताइएको छ ।