१ लाख ८५ हजारमा लन्च भयो सबैभन्दा शक्तिशाली पल्सर, के–के छन् विशेषता ?

काठमाडौं– बजाज अटोले अहिलेसम्मकै सबैभन्दा शक्तिशाली पल्सर एनएस ४०० जेड सार्वजनिक गरेको छ । बाइकको मूल्य १ लाख ८५ हजार भारु तोकिएको छ ।

स्ट्राइक हेडल्याम्पको साथ स्पोर्टी डिजाइनमा तयार पारिएको सो बाइकमा थन्डरबोल्ट शैलीको एलईडी डिआरएलएस र प्रोजेक्टर लाइट रहेको छ । सो नयाँ बाइकमा मस्कुलर फ्युल ट्यांक, ट्यांकको दुबै साइडमा एनएस डिकल, टु पिस स्टेप सिट र ४०० डिकल भएको सानो चिन फेयरिङ दिइएको छ ।

बाइकमा ब्लुटुथ कनेक्टिभिटी सपोर्ट गर्ने डिजिटल इन्स्ट्रुमेन्ट कन्सोल जडान गरिएको छ । जहाँ राइडरले आफ्नो स्मार्टफोनलाई कनेक्ट गरी टर्न–बाई–टर्न नेभिगेसन, आगमन कल, मिस्ड कल र एसएमएस अलर्टहरू जस्ता सुविधाहरू प्रायोगमा ल्याउन सक्छन् ।

यसमा चारवटा राइड मोडहरु रोड, रेन, स्पोर्ट र अफ–रोड दिइएको छ । साथै स्वीच गर्न मिल्ने ट्रयाक्सन कन्ट्रोल र डुअल च्यानल एबीएस समेत पाउन सकिन्छ । सो नयाँ बाइकमा ४३ एमएमको अपसाइड–डाउन फोर्क र एड्जस्टेवल प्रिलोडका साथ ग्यास चार्ज गरिएको मोनो–शक सस्पेन्सन दिइएको छ ।

बजाजले यसमा डोमिनार ४०० मा जडान गरिएको ३७३ सिसी इन्जिन उपलब्ध गराएको छ । उक्त इीन्जनले ८ हजार ८०० आरपिएममा ३९.४ बिएचपी पावर र ६ हजार ५०० आरपिएमममा ३५ एनएम टर्क जेनेरेट गर्दछ । इन्जिनलाई असिस्ट र स्लिपर क्लच मार्फत ६ स्पीड गियरबक्ससँग जोडिएको छ ।