प्रिमियम फिचरले सुसज्जित पल्सर एन१६० को नयाँ भेरिएन्ट लन्च

बजाजले आफ्नो लोकप्रिय मोडल पल्सर एन १६० को नयाँ भेरिएन्ट लन्च गरेको छ । प्रिमियम फिचरले सुसज्जित सो नयाँ भेरिएन्टको मूल्य १ लाख २२ हजार भारु निर्धारण गरिएको छ ।

नयाँ भेरिएन्टमा गोल्डन फिनिश भएको ३७ मिमी अग्लो अपसाइड–डाउन फोर्क, तीन मोडसहितको डुअल च्यानल एबीएस र असिस्ट तथा स्लिपर क्लच जस्ता प्रिमियम फिचर उपलब्ध गराइएको छ ।

साथै, सो नयाँ भेरिएन्टमा एलईडी प्रोजेक्टर हेडल्याम्प, ब्लुटुथ कनेक्टिभिटी भएको एलसीडी इन्स्ट्रुमेन्ट कन्सोल र यूएसबी टाइप सी चार्जिङ पोर्ट लगायत फिचर समेत दिइएको छ ।

पल्सर १६० एनमा १६४.८सीसी, एयर कूल्ड, सिंगल सिलिन्डर इन्जिन जडान गरिएको छ । जसले, ८,७५० आरपीएममा १५.८ बीएचपी पावर र ६,७५० आरपीएममा १४.६५ एनएम टर्क जेनेरेट गर्दछ । ५–स्पीड गियरबक्स जडान गरिएको यस मोटरसाइकलको अगाडी चक्कामा ३०० मिमी डिस्क र २३० मिमीको रियर डिस्क ब्रेक उपलब्ध छ ।