शक्तिशाली इन्जिन र स्मार्ट फिचरसहित पल्सर नेक्स्ट जेन १५० सार्वजनिक

काठमाडौँ–बजाज मोटरसाइकलको नेपालाका लागि आधिकारिक वितरक हंसराज हुलासचन्द एन्ड कम्पनीले पल्सर १५० को नयाँ संस्करणमा सार्वजनिक गरेको छ । आधुनिक डिजाइन, उन्नत प्रविधि र उत्कृष्ट कार्यक्षमतासहित आएको नयाँ पल्सर १५० ले नेपाली मोटरसाइकल बजारमा नयाँ उत्साह थप्ने विश्वास कम्पनीले व्यक्त गरेको छ ।

नयाँ संस्करणको पल्सर १५० मा आकर्षक नयाँ ग्राफिक्स, शक्तिशाली एफआई बिएस ६ भि इन्जिन, सिङ्गल च्यानल एबीएस, एलईडी हेडल्याम्प तथा ब्लुटुथ सपोर्ट सहितको फुल डिजिटल जस्ता आधुनिक फिचरहरू समावेश गरिएको छ । यी विशेषताले मोटरसाइकललाई अझ सुरक्षित, स्मार्ट र प्रयोगमैत्री बनाएको कम्पनीको भनाई छ ।

मोटरसाइकलमा प्रयोग गरिएको फ्युल इन्जेक्सन एफआई प्रविधिले राम्रो माइलेज र सहज प्रदर्शन प्रदान गर्ने अपेक्षा गरिएको छ । त्यसैगरी एबिएस प्रणालीले ब्रेकिङलाई अझ सुरक्षित बनाउने जनाइएको छ भने डिजिटल कन्सोलले राइडिङ अनुभवलाई आधुनिक बनाएको छ ।

कम्पनीका अनुसार नयाँ बजाज पल्सर १५० लाई नेपालभरका बजाज अटोका आधिकारिक शोरुममार्फत उपलब्ध गराइएको छ । मोटरसाइकलको प्रारम्भिक मूल्य ३ लाख ५५ हजार ९०० रुपैयाँ तोकिएको छ ।

कम्पनीले बजाजका मोटरसाइकल खरिद गर्न सहज बनाउने उद्देश्य अनुरुप नागरिकताको आधारमै फाइनान्स गर्न सकिने अफर लागु गरेको छ । जसका कारण, पहिले झैँ घरजग्गाको लालपुर्जा, बिजुली वा पानीको बिल, आय स्रोतको प्रमाणपत्र जस्ता कागजात आवश्यक पर्ने छैन । शून्य सर्भिस चार्ज र सरल किस्ताबन्दीमा बाइक लिन चाहने ग्राहकले पनि अन–द–स्पट फाइनान्स गरेर सजिलै मोटरसाइकल प्राप्त गर्नसक्ने बताइएको छ ।