अपडेट भएर आयो पल्सर १२५, मूल्य कति ?

बजाज अटोले पल्सर १२५ को नयाँ संस्करण लन्च गरेको छ । अपडेट गरेर ल्याइएको सो मोटरसाइकलको २०२६ मोडललाई सिंगल र स्प्लिट सिट भर्सनमा उपलब्ध गराइएको हो । जसको मूल्य क्रमशः ८९ हजार ९१० र ९२ हजार ०४६ भारु निर्धारण गरिएको छ ।

अपडेट गरिएको पल्सर १२५ मा एकीकृत एलईडी डीआरएल, नयाँ टर्न इन्डिकेटर र फ्रेस ग्राफिक्स सहितको नयाँ एलईडी हेडल्याम्प रहेको राखिएको छ । बाइकमा शार्प ट्याङ्क एक्सटेन्सन, चिन फेयरिङ, साँघुरो टेल सेक्सन र रियर टायर हगर दिइएको छ ।

बाइकमा उहि पुरानै १२४.४ सीसी, सिंगल–सिलिन्डर इन्जिन जडान गरिएको छ, जसले ११.६ बीएचपी पावर र १०.८ एनएम टर्क जेनेरेट गर्दछ । इन्जिनलाई ५ स्पीड गियरबक्ससँग जोडिएको छ ।

अगाडि परम्परागत टेलिस्कोपिक फोर्क र पछाडि डुअल शक अब्जर्बर जडान गरिएको सो नयाँ मोडलमा अव स्ट्यान्डर्डका रुपमा दुबै चक्कामा डिस्क ब्रेक पाउन सकिन्छ भने आकर्षक अलोय ह्वील समेत दिइएको छ ।