भोलिदेखि सार्वजनिक सवारी चल्ने, अटोमोबाइल सोरुम र पार्ट्स पसल दैनिक खोल्न पाइने

काठमाडौं – भोलिदेखि काठमाडौं उपत्यका सार्वजनिक सवारी साधन संचालन हुने भएको छ । उपत्यका भित्रमा २५ सिट क्षमता भन्दा बढीका सवारी जोर बिजोर प्रणालीमा संचालन हुने भएको हो ।

जिल्ला प्रशानस कार्यालय काठमाडौंले एक सूचना निकाल्दै असार २१ गतेसम्मका लागि निषेधाज्ञा थप गरेको हो । सार्वजनिक यात्रु बाहक सवारी साधान संचलान गर्दा स्वास्थ्य मापदण्डको पूर्ण परिपालना गर्नुपर्ने, भौतिक दुरी कायम हुने गरि बस्ने व्यवस्था मिलाउनुपर्ने सूचनामा उल्लेख छ ।

कुल स्वीकृत सीट क्षमता भन्दा बढी संख्यामा यात्रु नराख्ने, चालक, सहचालक तथा यात्रुले अनिवार्य मास्क लगाउने सवारी साधानको दैनिक निसंक्रमित गर्नुपर्ने प्रशासनले जनाएको छ । सार्वजनिक सवारी साधन बिहान ६ बजेदेखि साँझ ७ बजेसम्म मात्र संचालन हुने बताइएको छ ।

त्यसैगरी अटोमोबाइल सोरुम र अटोमोबाइल पार्ट्स पसल विहान ११ बजे देखि साँझ ६ बजे सम्म संचालन गर्न सकिने छ । सवारी साधन मर्मतका लागि वर्कसपहरु साँझ ७ बजे सम्म संचालन गर्न सकिने छ ।