ट्राफिक प्रहरीको २४ घण्टे पूर्जी पाउनु भयो ? कागज पत्र फिर्ता लिन अब के गर्ने ?

ट्राफिक नियम उल्लङ्घन गरी जफत गरिएका कागजपत्र फिर्ता लिनका निम्ति जरिवाना तिर्न सेवाग्राहीलाई बैंक तथा बित्तीय संस्थसम्म पुग्नुपर्ने झन्झटबाट अधिकांश सेवाग्राही मुक्त भएका छन् ।

नेपाल प्रहरीले संचालनमा ल्याएको ट्राफिक नियम उल्लङ्घन र ट्राफिक जरिवाना भुक्तानी सम्बन्धी प्रणाली Traffic Violation Record System (TVRS) का कारण यो प्रक्रिया सम्भव भएको हो ।

TVRS प्रणाली वि.सं २०५८ सालमा शुरू भएकोमा समयानुकूल परिमार्जन गर्दै आर्थिक वर्ष २०७६/०७७ बाट काठमाडौं उपत्यकामा सञ्चालनमा आएको हो । हाल यस प्रणाली देशभरिका ४५ भन्दा बढी जिल्लाहरूमा सञ्चालनमा रहेको छ ।

सवारी चेकजाँचका क्रममा यदि तपाईबाट सवारी तथा यातायात ब्यवस्था ऐन २०४९ को दफा १६४ बमोजिमको कसुर हुन गएमा तपाईको सडक र सवारीसँग सम्बन्धित कागजपत्र नियन्त्रणमा लिई तपाईलाई सडकमा खटिएका ट्राफिक प्रहरीले केही विवरणहरु भरेर २४ घण्टे पूर्जी दिने गर्दछन् । 

ट्राफिक प्रहरीबाट तपाईले २४ घण्टे पूर्जी प्राप्त गरिसकेपछि के गर्ने त ? आउनुहोस् ट्राफिक चेकजाँचका क्रममा ट्राफिक प्रहरीबाट २४ घण्टे पूर्जी लिए पछि कागज पत्र फिर्ता लिन तपाईले अबलम्बन गर्नुपर्ने प्रक्रियाहरुका बारेमा जानकारी राखौं ।

ट्राफिक कारबाहीमा परेका कागज पत्र फिर्ता लिने प्रक्रिया

सडकमा खटिएका ट्राफिक प्रहरीले तपाईबाट खिचिएका कागजपत्रहरु सम्बन्धित कार्यालयमा बुझाउँछन् । सम्बन्धित शाखामा कार्यरत कर्मचारीले TVRS मा ती कागजपत्रहरुको सम्पूर्ण विवरणहरु (चिट नम्बर र लाइसेन्स नम्बर, सवारी दर्ता किताबमा उल्लेखित नाम र अन्य विवरण) दर्ता गर्छन् ।

यस प्रणाली मार्फत विभिन्न ट्राफिक नियम उल्लङ्घन गरेबापत जारी गर्ने चिट र कारवाहीको विवरण अभिलेखमा राखिन्छ । कुनै पनि सवारी चालकले गरेका सवारी सम्बन्धी कसूरहरूको अभिलेखका आधारमा कति जरिवाना तिर्नु पर्ने हो ? यस प्रणालीले स्वचालित रूपमा निर्धारण गर्दछ ।

त्यस्तै चालकले कति पटक कुन कुन कसुर गरेको हो सो सम्बन्धी पटके कसूर विवरण पनि यस प्रणालीले आफै हिसाब राख्दछ । यसरी सम्पूर्ण विवरणहरु TVRS दर्ता भएका विवरणको आधारमा ट्राफिक नियम उल्लङ्घनकर्ताले विभिन्न अनलाइन वित्तीय प्रणालीहरूको प्रयोग गरी जरिवाना तिर्न सक्दछन् ।

कारवाहीमा परेका व्यक्तिहरूले अनलाइन वित्तीय प्रणाली मार्फत वा सम्बन्धित राजस्व खाता भएको बैंकको शाखाहरूमा गई जरिवाना बापतको राजस्व रकम भुक्तान गर्न सक्छन् ।

यसरी भुक्तानी पश्चात प्राप्त रसिद लिएर सम्बन्धित ट्राफिक प्रहरी कार्यालयमा बुझाए पश्चात ट्राफिक कारबाहीमा खिचिएका कागजपत्रहरु फिर्ता पाइन्छ ।

बिष्णु थापा, ट्राफिक प्रहरी बरिष्ठ नायव निरीक्षक

सम्बन्धित समाचारहरू

काठमाडौं महानगरमा निःशुल्क एम्बुलेन्स सेवा

काठमाडौं महानगरमा निःशुल्क एम्बुलेन्स सेवा

दशैं बिदाको अवधिभरमा काठमाडौं महानगरपालिकाले निःशुल्क एम्बुलेन्स सेवा...

नामसारी गर्नेले फागुन देखि र नवीकरण गर्नेले जेठ देखि अनिवार्य इम्बोस्ड नम्बर प्लेट लिनु पर्ने

नामसारी गर्नेले फागुन देखि र नवीकरण गर्नेले जेठ देखि अनिवार्य इम्बोस्ड नम्बर प्लेट लिनु पर्ने

काठमाडौं – यातायात व्यवस्था विभागले आगमी फागुन १ देखि सवारी साधन नामसारी...

१२० रुपैयाँमै ब्लु बुक नवीकरणको अवसर

१२० रुपैयाँमै ब्लु बुक नवीकरणको अवसर

कठमाडौं – सवारी साधनको ब्लु बुक नवीकरण गर्नु पर्ने अवस्था भए केही समयका...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...