कसरी लिने सवारी साधनमा असोज १ देखि अनिवार्य बन्दै गरेको इम्बोस्ड नम्बर ? (पुरा प्रक्रिया)

सरकारले आगामी असोज १ देखि सवारी साधनमा इम्बोस्ड नम्बर प्लेट अनिवार्य गर्ने निर्णय गरेको छ । यातायात व्यवस्था विभागले हालै एक सूचना प्रकाशित गरी यसको जानकारी समेत दिएको छ ।

तपाईंको सवारी साधनमा पनि इम्बोस्ड नम्बर छैन भने अब लिनु अनिवार्य छ । २०७९ साल असोज २० गते मन्त्रीस्तरीय समितिको निर्णयअनुसार सबै प्रदेश सरकार मातहतका यातायात व्यवस्था कार्यालयहरूले यो व्यवस्था लागू गर्ने भएका हुन् । यस अनुसार सवारी दर्ता, नामसारी र नवीकरण गर्दा अनिवार्यरुपमा इम्बोस्ड नम्बर प्लेट जडान गर्नुपर्ने छ ।

यसका लागि के कस्तो प्रक्रिया अपनाउनु पर्छ भन्ने वारेमा जानकारी लिनु उपयोगी हुन सक्छ । यही कुरालाई मनन गरी यसको प्रक्रिया वारेमा जानकारी दिइएको छ ।

● सबैभन्दा पहिले यातायात व्यवस्था विभागको वेबसाइट अन्तर्गत hsenp.dotm.gov.np मा गएर अनलाइन फारम भर्ने ।

● त्यसपछि तोकिएको यातायात कार्यालयमा गएर तोकिए अनुसारको दस्तुर बुझाउने ।

● अनलाइन फारमसँगै निम्न कागजातहरु सम्बन्धित यातायात कार्यालयमा बुझाउने :
क. फोटोसहितको अनलाइन फारम । (सवारी धनी व्यक्ति भएमा मात्र) ।
ख. छापसहितको अनलाइन फारम । (सवारी धनी कार्यालय वा कम्पनीको भएमा)।
ग. सवारी साधन सरकारी नाममा भए कार्यालयको छाप सहितको पत्र ।
घ. सवारी साधन सरकारी नाममा भए कार्यलयको छाप सहितको पत्र ।

ङ. राजस्व बुझाएको रसिद ।
१. दुईपांग्रे सवारीका लागि २ हजार ५ सय रुपैयाँ ।

२. तीनपांग्रे सवारीका लागि २ हजार ९ सय रुपैयाँ ।

३. साना तथा मझौला चारपांग्रे सवारीका लागि ३ हजार २ सय रुपैयाँ ।

४. ठुला सवारीका लागि ३ हजार ६ सय रुपैयाँ ।

● नागरिकताको प्रतिलिपि । (सवारी धनी व्यक्ति भएमा मात्र)

● कम्पनी दर्ता भएको प्रमाणपत्रको प्रतिलिपि वा प्यान भ्याटको पत्र ( सवारीसाधन कम्पनीको नाममा भएमा मात्र)

● बैंकिङ प्रक्रियाबाट खरिद भएको सवारीको हकमा सम्बन्धित बैंकको सहमति पत्र ।

● सवारी धनी र सवारीदर्ता सम्बन्धी विवरण भएको ब्लु बुकको प्रतिलिपि ।

● चालु आर्थिक वर्षको सवारीकर चुक्ता भएको प्रमाणित गर्ने कागजात ।

● सवारी साधनको सक्कल दर्ता प्रमाणपत्र (ब्लु बुक) को कपि ।

● सबै कागज पत्र तयारी गरी कार्यलयमा रुजु गराउने, बायोमेट्रिकको लागि एसएमएस मार्फत जानकारी गराइनेछ ।

● तोकिएको समयमा बायोमेट्रिकका साथै सवारीमा नम्बर प्लेट जडानको लागि तोकिएको यातायात कार्यालय जानु पर्नेछ ।

● सबै प्रक्रिया पुरा भएपछि इम्बोस्ड नम्बर ब्लु बुकमा लेखाउनु पर्नेछ ।