२० हजार सम्मले महंगो भयो एथर स्कुटर

काठमाडौं– नेपाल भित्रिएको छोटो अबधीमै एथर स्कुटर २० हजारसम्मले महंगो भएको छ । गत नेभेम्वरमा बैद्य इनर्जीले लन्च गरेको एथरको मूल्य एकैपटक यति धेरैले बृद्धि भएको हो ।

बृद्धि भएको मूल्यसंगै यसको ४५० एक्स २.९ किलोवाट आवर ब्याट्री जडित भेरिएन्टको ३ लाख ९९ हजार ९९९ रुपैयाँ पुगेको छ । यसअघि यसको मूल्य ३ लाख ८५ हजार ५०० रुपैयाँ थियो । यो स्कुटरमा १४ हजार ५०० रुपैयाँ बृद्धि भएको छ ।

यसैगरी, ३.७ किलोवाट आवर ब्याट्री जडित भेरिएन्टमा एकैपटक २० हजार बृद्धि भएको छ । यसअघि ४ लाख २० हजार निर्धारण गरिएको स्कुटरको नयाँ मूल्य ४ लाख ४० हजार तोकिएको हो ।

सिंगल चार्जमा १५० किलोमिटरसम्म रेन्ज दिने दावी गरिएको एथर ४५० एक्समा पार्किङ एसिस्ट, हिल एसिस्ट, रिजेनेरेटीभ ब्रेकिङ सिस्टम, रिभर्स मोड जस्ता अत्याधुनिक फिचर दिइएको छ । स्कुटरलाई ९० किलोमिटर प्रति घण्टाको उच्च गतिमा हाँक्न सकिन्छ ।