सुपर सोको ब्रान्डका ४ इलेक्ट्रिक मोटरसाइकल, यस्तो छ मूल्य र रेन्ज

चीनीयाँ ब्रान्ड सुपरसोको प्रिमियम रेन्जका इलेक्ट्रिक टु ह्विलर उत्पादनमा कहलिएको नाम हो । यो ब्रान्डको नेपाली बजारमा विभिन्न मोडलका मोटरसाइकल र स्कुटर उपलब्ध रहँदै आएका छन् । नेपालका लागी आधिकारिक वितरक डि लाइफ स्टाइलले हाल ४ भिन्न प्रकारका मोटरसाइकल आयत गरी कारोबार गर्दै आइरहेको छ । यी सवै वाइक रेट्रो स्क्र्याम्वलर डिजाइनबाट प्रेरित छन् ।

यी वाइकको मूल्य २ लाख ९६ हजारदेखी ४ लाख ९० हजार रुपैयाँसम्म निर्धारण गरिएको छ । जसमध्ये इन्ट्रि लेवलको सुपरसोको टिसी सिंगल व्याट्रीलाई २ लाख ९६ हजार र डवल व्याट्रीलाई ३ लाख ९० हजार रुपैयाँ पर्छ । यो मोटरसाइकलमा ६० भोल्ट ३० एम्पिएर आवार क्षमताको लिथियम आयोन व्याट्री र १ हजार ९ सय वाटको मोटर जडान गरिएको छ । जसको अधिकतम पावर ३ हजार वाट र टर्क १५० एनएम रहेको छ । ८० किलोमिटर प्रतिघन्टाको उच्च गतिमा हाँक्न सकिने यसको सिंगल व्याट्रीले ८० र डवल व्याट्रीले १६० किलोमिटर रेन्ज प्रदान गर्ने दाबी गरिएको छ ।

यसैगरी अर्को मोडल टिएस सुपर हन्टरको मूल्य सिंगल व्याट्रीको ३ लाख ८० हजार र डवल व्याट्रीको ४ लाख ८० हजार रुपैयाँ तोकिएको छ । यो मोटरसाइकलमा ६० भोल्ट ३२ एम्पिएर आवार क्षमताको लिथियम आयोन व्याट्री र २ हजार ५ सय वाटको मोटर जडान गरिएको छ । जसको अधिकतम पावर ३ हजार ५ सय वाट र टर्क १८० एनएम रहेको छ । ७५ किलोमिटर प्रतिघन्टाको उच्च गतिमा हाँक्न सकिने यसको सिंगल व्याट्रीले १०० र डवल व्याट्रीले २०० किलोमिटर रेन्ज प्रदान गर्ने दाबी गरिएको छ ।

अर्को मोडल टिसी वान्डररको मूल्य सिंगल व्याट्रीको ३ लाख ९० हजार र डवल व्याट्रीको ४ लाख ९० हजार रुपैयाँ निर्धारण गरिएको छ । यो मोटरसाइकलमा ६० भोल्ट ३२ एम्पिएर आवार क्षमताको लिथियम आयोन व्याट्री र १ हजार ९ सय वाटको मोटर जडान गरिएको छ । जसको अधिकतम पावर ३ हजार ५ सय वाट र टर्क १८० एनएम रहेको छ । ७५ किलोमिटर प्रतिघन्टाको उच्च गतिमा हाँक्न सकिने यसको सिंगल व्याट्रीले १०० र डवल व्याट्रीले २०० किलोमिटर रेन्ज प्रदान गर्ने दाबी गरिएको छ ।

यसको फ्ल्यागसिप मोडल टिसी म्याक्सको मूल्य ४ लाख ९० हजार रुपैयाँ तोकिएको छ । यो वाइक सिंगल व्याट्री अप्सनमा मात्र उपलब्ध छ । जसमा ७५ भोल्ट ४५ एम्पिएर आवार क्षमताको लिथियम आयोन व्याट्री र ३ हजार ९ सय वाटको मोटर जडान गरिएको छ । जसको अधिकतम पावर ५ हजार वाट र टर्क १८० एनएम रहेको छ । ११० किलोमिटर प्रतिघन्टाको उच्च गतिमा हाँक्न सकिने यो प्रिमियम इलेक्ट्रिक वाइकले ११० किलोमिटर रेन्ज दिने दावी छ ।