इम्बोस्ड नम्बर प्लेट वारेमा विभागको प्रस्टोक्ति : साउन १ देखि सबैलाई कारवाही गरिने होइन

काठमाडौं - २०७८ कार्तिकमा प्रकाशित सूचना अनुसार तीव्र गतिमा हुनु पर्ने इम्बोस्ड नम्बर प्लेट जडान नभएको र सेवाग्राहीहरुले यसलाई स्वेच्छिक मानेको कारण यसलाई सम्झाउनका लागि मात्र नयाँ सूचना निकालिएको र यसबाट भ्रम सिर्जना भएको प्रति यातायात व्यवस्था विभागले क्षमा याचना गरेको छ ।

विभागका प्रवक्ताद्वारा हस्ताक्षरित विज्ञप्ति अनुसार २०७८ कार्तिकमा प्रकाशित सूचना बमोजिम नै २०७९ श्रावण देखि अनिवार्य रुपमा जडान गर्नुपर्ने भनिएका प्रकृतिका सवारी साधनमा त्यस्तो प्लेट जडान भए नभएको अनुगमन गरिने र यसमा स्पष्ट हुन भनिएको छ ।

यस अनुसार २०७८ मंसिर पछि नयाँ दर्ता हुन आएका सवारी, २०७८ फागुन पछि किनबेच भई नामसारी गर्न आएका सवारी र २०७९ जेठ १ पछि सवारी साधनमा समेत इम्बोस्ड नम्बर प्लेट जडान गर्न उत्सुकता नदेखाइएकाले यसलाई सम्झाउनका लागि मात्र सूचना निकालिएको र त्यसै अनुसार कार्य गर्न सेवाग्राहीहरुलाई आग्रह गरिएको छ ।

हेर्नुहोस् विज्ञप्ति :