यात्रा रमाइलो र सुरक्षित बनाउन गर्मी आउनु अघि नै यी कुरामा ध्यान दिनुहोस्

गर्मीको मौसम सुरु भइसकेको छ । गर्मी मौसम कारको लागि चुनौतीपूर्ण हुन सक्छ। अत्यधिक गर्मीले कारको इन्जिन, ब्याट्री र टायरलाई असर गर्न सक्छ, जसले गर्दा कारको परफर्मेन्समा असर पर्न सक्छ । त्यसैले, गर्मीको आगमन अघि केही आवश्यक तयारी गर्नु कारको दीर्घायु र राम्रो ड्राइभिङ अनुभवको लागि आवश्यक छ ।

एसीको परफर्मेन्स चेक : गर्मीयाममा कारमा आरामदायी यात्राको लागि कन्डिसनिङ सिस्टमले राम्रोसँग काम गर्नु धेरै महत्त्वपूर्ण छ । त्यसैले गर्मी आउनु अघि नै कारको एसी पूर्ण क्षमतामा चलिरहेको छ कि छैन भनेर सुनिश्चित गर्नुपर्छ । एसी ग्यासको मात्रा जाँच गर्नु र आवश्यक परेमा रिफिल गर्नुपर्छ । साथै एसी फिल्टर सफा गर्न वा बदल्न नबिर्सनुहोस् ।

कुलिङ सिस्टम जाँच : गर्मीले इन्जिनको तापक्रम उल्लेखनीय रूपमा बढ्न सक्छ, जसले गर्दा अत्यधिक तातो हुन सक्छ । यस्तो अवस्थामा कारको कुलिङ सिस्टम जाँच गर्नु महत्त्वपूर्ण छ । रेडिएटर, कुलेन्ट लेवल र होसेजको अवस्था जाँच गर्नुपर्छ ।

टायर सेफ्टीको जाँच : गर्मीमा टायरको तापक्रम बढ्दै जाँदा टायर फुट्ने जोखिम बढी हुन्छ। त्यसैले नियमित रूपमा आफ्नो टायरको प्रेसर जाँच गर्नुपर्छ । टायर चिप्लनबाट जोगिन र राम्रो पकड प्रदान गर्नको लागि टायरको ट्रेड डेप्थ पनि जाँच गर्नुपर्छ ।

ब्याट्री अवस्था : गर्मीले कारको ब्याट्री चाँडै डिस्चार्ज हुन सक्छ । त्यसैले ब्याट्री कनेक्शन, टर्मिनल र चार्जिङ सिस्टम जाँच गर्नुपर्छ । यदि ब्याट्री पुरानो छ भने सकेसम्म गर्मीमा ब्याट्री बदल्नु पर्छ ।

इन्जिन आयल र लुब्रिकेशनमा ध्यान : गर्मी मौसममा इन्जिन आयल चाँडै बिग्रन सक्छ, जसले इन्जिनको परफर्मेन्समा असर गर्छ। त्यसकारण इन्जिन आयलको गुणस्तर सही छ भनी सुनिश्चित गर्नुपर्छ र आवश्यक परेमा गर्मी आउनु अघि नै बदल्नुपर्छ । सही इन्जिन आयल प्रयोग गर्नाले इन्जिनलाई चिसो राख्न र यसको परफर्मेन्सलाई कायम राख्न मद्दत गर्छ।