लन्च भयो प्रवागको पहिलो इलेक्ट्रिक एसयुभी, यस्तो छ मूल्य, रेन्ज र फिचर

भारतको स्टार्टअप कम्पनी प्रावगले आफ्नो पहिलो इलेक्ट्रिक एसयूभीलाई आज लन्च गरेको छ । यो नयाँ एसयूभीको मूल्य ३९ लाख ५० हजार भारु निर्धाण गरिएको छ । भारतमा यसलाई ५१ हजार तिरेर वुकिङ गर्न सकिने र २०२३ को अप्रिलदेखी डेलीभरी शुरु हुने कम्पनीको भनाई छ ।

आधुनिक डिजाइनमा तयार पारिएको यो एसयूभी लन्च हुनु अगावै चर्चामा रहन सफल भएको थियो । यसको लुक्स रेन्ज रोभर एसयूभीबाट प्रेरित रहेको छ । यो नयाँ एसयूभीमा पानारोमिक रुफ र १८ इन्चको एलोई ह्विल दिइएको छ ।

यसको इन्टेरियर रिसाइकल गरी उत्पादन गरीको सामाग्रबाट तयार पारिएको छ । यसमा ६ तवरबाट एड्जस्ट गर्न मिल्ने सिट, १५.६ इन्चको टचस्क्रिन डिस्प्ले, ३ डी साउन्ड सिस्टम, वायरलेस चार्जर र १५.६ इन्चको दुईओटा स्क्रिन लगायत फिचर सामेल गरिएको छ । फिचरका मामलमो यो गाडी फूल्ली लोडेड रहेको कम्पनीले दावी गरेको छ ।

पावरटे«नको कुरा गर्नुपर्दा यसमा ५ हजार हार्डकेस सेल्सयुक्त लिथियम आयोन व्याट्री जडान गरिएको छ । जुन ९०.० किलोवाट आवर क्षमताको हो । १५० किलोवाट क्षमताको डुअल मोटर जडान गरिएको यो एसयूभीको पावर ४०७ एचपी र टर्क ६२० एनएम रहेको छ । यसलाई एकपटक फूल चार्ज गर्दा ५०० किलोमिटर माथी रेन्ज प्राप्त गर्न सकिने दावी गरिको छ ।