अल्ट्राभायोलेटले ल्यायो फुल चार्जमा १६५ किलोमिटर रेन्ज दिने नयाँ अफ-रोड बाइक

अल्ट्राभायोलेट अटोमोटिभले शकवेभ नामक आफ्नो नयाँ अफ-रोड एन्ड्युरो बाइक लन्च गरेको छ ।

सो बाइकमा १४.५ बीएचपीको इलेक्ट्रिक मोटर सुसज्जित छ, जसलाई ४ किलोवाट ब्याट्री प्याकमा जडान गरिएको छ । यसले फुल चार्जमा १६५ किलोमिटरको रेन्ज प्रदान गर्छ । यसले केवल २.९ सेकेन्डमा ०-६० किलोमिटर प्रतिघण्टाको गति हासिल गर्न सक्छ । यसको अधिकतम गति १२० किलोमिटर प्रतिघण्टा छ र तौल १२० किलोग्राम छ ।

नयाँ हलुका प्लेटफर्ममा निर्मित सो बाइक रोड र अफ-रोड दुवैको लागि उत्कृष्ट बाइक हो । यसलाई ट्र्याकको लागि मात्र होइन तर सडक प्रयोगको लागि पनि डिजाइन गरिएको छ ।

सेफ्टी र कन्ट्रोलका लागि यसमा धेरै उन्नत फिचर प्रदान गरिएको छ । यसमा ४ वटा ट्रयाक्शन कन्ट्रोल मोडहरू छन् । यसमा स्विच गर्न मिल्ने ड्युअल च्यानल एबीएस, ६ लेभलको डायनोमिक रिजेनेरेसन, १९/१७-इन्चको वायर स्पोक ह्विल र ड्युअल पर्पज टायर जस्ता फिचर प्रदान गरिएकव छ ।

सो इलेक्ट्रिक एन्ड्युरो बाइकको बुकिङ सुरु भइसकेको छ । यसको डेलिभरी २०२६ को पहिलो त्रैमासिकबाट सुरु हुने अपेक्षा गरिएको छ ।