तीन इलेक्ट्रिक एसयूभीसहित बेलायत प्रवेश गर्ने तयारीमा महिन्द्रा
काठमाडौं–भारतीय अटोमोबाइल कम्पनी महिन्द्रा एन्ड महिन्द्राले तीनवटा...
स्पोर्ट्स कार निर्माता कम्पनी एस्टन मार्टिनले आफ्नो पहिलो एस्टन मार्टिन डीबीएक्स ७०७ एसयूभीको उत्पादन पूरा गरेको छ । सो कार चाँडै नै यसको पहिलो ग्राहकलाई प्रदान गरिनेछ । सो कारको एक्सटेरियर निलो रङमा पेन्ट गरिएको छ ।
एस्टन मार्टिन डीबीएक्स ७०७ एसयूभी विश्वको सबैभन्दा शक्तिशाली पेट्रोल इन्जिन भएको लग्जरी एसयूभी हो । सो एसयूभी डीबीएक्समा आधारित छ तर यसमा एएमजी ट्विन टर्बाे भी८ इन्जिन जडान गरिएको छ । यसको च्यासिस, सस्पेन्शन सेटअप र ब्रेकलाई अपडेट गरिएको छ । सो इन्जिनले ६८७ बीएचपी पावर र ८९८ एनएम टर्क जेनेरेट गर्छ । यस इन्जिनको सहयोगमा यो कारले ३.३ सेकेण्डमा ० देखि १०० किलोमिटर प्रतिघन्टाको गति हासिल गर्न सक्छ र यसको टप स्पिड ३१० किलोमिटर प्रतिघन्टा छ ।
एस्टन मार्टिन डीबीएक्स ७०७ एसयूभीको अगाडि ठूलो फ्रन्ट ग्रिल प्रयोग गरिएको छ, जुन नियमित डीबीएक्स भन्दा लगभग २७ प्रतिशत ठूलो रहेको कम्पनीको भनाइ छ । यो कार तल्लो बम्परमा एयर इन्टेकसहित ल्याइएको हो ।
यो एयर इन्टेकले ८० प्रतिशतसम्म राम्रो एयरफ्लो प्रदान गर्छ । यसले कारलाई उच्च गतिमा डाउन फोर्स प्राप्त गर्न मद्दत गर्छ । नयाँ एस्टन मार्टिन डीबीएक्स ७०७ एसयूभी पुरानो मोडल भन्दा धेरै स्टाइलिश र अधिक आक्रामक देखिन्छ ।
नयाँ एस्टन मार्टिन डीबीएक्स ७०७ को क्याबिनलाई निकै स्पोर्टी डिजाइन गरिएको छ र कम्पनीको सिग्नेचर एस्टन मार्टिन रेसिङ कलर थिममा पेश गरिएको छ । यसमा दिइएको इन्फोटेनमेन्ट स्क्रिन पुरानो मोडल डीबीएक्सबाट लिइएको हो । सो कार ३ लाख डलरमा बिक्री हुनेछ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...