टाइम म्यागजिनद्वारा टेस्लाका मालिक इलोन मस्क ‘वर्षव्यक्ति’ घोषणा

टाइम म्यागजिनले विश्वकै धनाढ्य तथा अमेरिकी विद्युतीय कार निर्माता कम्पनी टेस्ला इन्कका मालिक इलोन मस्कलाई वर्षव्यक्तिको रुपमा घोषणा गरेको छ । मस्कलाई वर्षव्यक्ति घोषणा गरिएको आलेखमा म्यागजिन ले लेखेको छ - संसारका धनी व्यक्तिसँग आफ्नो घर छैन र सबै सम्पत्ति बेचेको छ । ऊ उपग्रहलाई पृथ्वीको कक्षमा फ्याँक्छ र सूर्यको प्रयोग गर्छ । ऊ ग्याँस र चालकको आवश्यकता नपर्ने कार चलाउँछ । उसको औंलाको एक झट्काले सेयर बजार उकालो लाग्छ वा हल्लिन्छ ।’

गत वर्ष अमेरिकी राष्ट्रपति जो बाइडेन र उपराष्ट्रपति कमला ह्यारिस टाइम म्यागेजिनको वर्ष व्यक्ति बनेका थिए । चार पाङ्ग्रे सवारी साधनको क्षेत्रमा टेस्ला यस वर्ष अग्रेणी स्थानमा रहयो । टेस्लाको बजार मुल्य १ ट्रिलियन अमेरिकी डलरभन्दा बढीे छ । टेस्लाको बजार मुल्य फोर्ड मोटर र जनरल मोटर्सको भन्दा बढी रहेको जनाइएको छ ।

टाइमले विश्वमा सबैभन्दा बढी प्रभाव पार्ने चर्चित व्यक्तिलाई टाइम वर्ष व्यक्ति घोषित गर्छ । पत्रिकाले सन् १९२७ देखि वर्ष व्यक्ति घोषित गर्न थालेको थियो ।